I. Samuela 5:7 - Iaai Bible 1901 (New Caledonia)

⁷ Ke a wâ but e at Asedoda, me ödrin e ha, ka habe, Ame ca he bi tang tangen Khongon at Isaraela ka hnen unyitin, anyin ae hwege hnyamen hutin, me hon khongutin a Dagona.

I. Samuela 5:7 ပူးပေါင်းရင်းမြစ်များ

II. Samuela 6:9

Ke Davita ame outö Iehova hnyi bong eling, me e ame ha, ka habe, Ame ka kâmâu ka o könya tang tangö Iehova?

I. Man Ûlabainy Je Than. 15:13

Anyin a öbun e ca hom e hnyi hwân, haba Iehova Khongutin ame gâ but kötin, anyin a otin e ca hnö e hoton hnanyibu.

Esodo 10:7

Ke haingen je lathnyabai Farao kâu, ka habe, Ame he ka hnân knewe köta at eang ke ne o but kehö? hna but tavat mʼ adre me he ka bi athnyabai Iehova Khongudrin: hawa e ca khatö u bala a ga kong ut Aigupito?

Esodo 12:33

Ke at Aigupito adre me ûjengö hwegiâ tavat mʼ odrin e ie hna but hnyei; anyin a haingödrin, ka habe, Ate me mok hia but.

Esodo 8:28

Ke haingö Farao, ka habe, Oge me he ka hnʼ öbun, mʼ öbun e he ka bi hut kö Iehova Khongubun hnyi hnyebuba; ke so bi ca he öbun sâkâû ai: khon thö hobi könya.

Esodo 8:8

Me haba Farao ame hao Mose me Arona, me habe, Khöû thʼ öbu kö Iehova, me me ohia ta je rana unyik, me unyin lakeik; me oge me he ka hna but tavat, mʼ adre me he ka hudo kö Iehova.

Esodo 9:28

Khöû thö kö Iehova; ö e so ju hendring angʼme we ae wahma; kʼ oge me he ka hnʼ öbun, ke öbun e ca he hmetu ka laba.

Jeremia 46:25

Haingö Iehova tuhan sabaoth, Khongu Isaraela, ka habe, Wâ bi, oge me he ka bi hwaban kö Amona ûheny No, me Farao, me Aigupito, tha e me je khongon, me je thaniny; wale Farao, me tavat adre me labageju kâu:

Jeremia 48:7

Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

I. Samuela 4:8

Ekölö gata! ia ame he ka hûgûnʼ ota ûnyi hnyi je hnyamen ta je khong eling ae hwege? wale ta je khong eji hnyat a kot at Aigupito ge ke je mok ae cap hnyi hnyebuba.

I. Samuela 5:6

Ke hmak ut hnyamö Iehova hon at Asedoda, me e ame ohiʼ ödrin me kuc ödrin ge je okuc, wale hnyi Asedoda me je hnyigöulen.

I. Samuela 5:8

Me ödrin e ûkhûnöng he ka ûkhacaköuâ mödrin je thaniny at Filisiti hia, me ödrin e ha, ka habe, Otin e he ka hawa ka tang tangen Khongon at Isaraela? Me ödrin e thu, ka habe, E so adre me hom tilâ tang tangen Khongon at Isaraela Gatha ai. Me ödrin e hom tilâ tang tagen Khongon at Isaraela.

I. Samuela 6:20

Me ame ha at Bethe-semes, ka habe, Ie at ae khana he ka töt hnyi hnyimakö Iehova, Khong ae kap eang? Ke e ame he ka ölö kö ia gatin?