I. Samuela 5:6 - Iaai Bible 1901 (New Caledonia)

⁶ Ke hmak ut hnyamö Iehova hon at Asedoda, me e ame ohiʼ ödrin me kuc ödrin ge je okuc, wale hnyi Asedoda me je hnyigöulen.

I. Samuela 5:6 ပူးပေါင်းရင်းမြစ်များ

Genese 41:31

Kʼ ame ca he hmetu ka manen widrany hnyi hnyei anyin ae gan hmâ hmiâ hwaban e, anyin ame he ka ti gan hmâ hmiâ eling.

Jobu 31:3

Hawa, ca hloûhloû bi hobi kâu at ae kong. Ke hnaûhango hobi kâu tavat adre me ânyâ hulö?

Salamo 145:20

Iehova ame tuʼ ödra hia adre me hnyok kâu; Kʼ ame he ka ohia tavat hia ae kong.

Salamo 147:6

Iehova ame cö tavat ae hnyikânâ: E ame hagutâ hnyikânâi tavat ae kong.

Salamo 32:4

Anyin ae hmak hnyamâm huk hnyi lany me lit: Adre wia khubetiny unyik me me helâ me kahwa hnyi hnyeun. [Sela.

Salamo 78:66

Ke e ame kot tilâ ta je iwahnaihmiöny mē hnyi kec a ödra: Me hnʼ ödra hnân taben ûhiö nyiele balua.

Esodo 9:3

wâ bi, ame he hnyamö Iehova ka ta hon halem ta je meno hnyi je utkânâ, hon ta je hos, me asina, me kamela, me kau, me mamoe; ame he ka gan hmâ mok.

Ta je huliwa 13:11

Ke wâ bi, walang ang e but hom hnyamen Than, me u me he ka wadröu, kʼ u me ca he hmetu ka wâ seûno ke ne o but hnyi ke ûen. Me ame ie o but kâu hadedak helâ me lit; me e ame he monumonu kʼ ame khaûtetâ at he ka lelo e.

Deuteronomi 28:27

Ame he Iehova ka kuc u ge ohuciny Aigupito, me vec tiny, me anyû, me hölök, wale ae ca khana bi he ka metu.

I. Samuela 5:11

Me ödrin e ûkhûnöng he ka ûkhacaköuâ je thaniny hia at Filisiti, me ha, ka habe, Kunâ but tang tangen Khongon at Isaraela me me hmetu ka hnyi hnen, me me ca hlingʼ ohmun me ihmun hnyei: anyin ae gan hmâ hna okongoâ hnân mekiny hnyi taun hia; e hmak gan hmâ eling hnyamen Khong.

I. Samuela 5:7

Ke a wâ but e at Asedoda, me ödrin e ha, ka habe, Ame ca he bi tang tangen Khongon at Isaraela ka hnen unyitin, anyin ae hwege hnyamen hutin, me hon khongutin a Dagona.

I. Samuela 5:9

Ke ödrin e hia but hom tilâ e, me haba hnyamö Iehova ame iwahnaihmiony me taun kʼ ame ti okongoâ: me ame kot obagainy taun a tavat ae ûhnyûkong me tavat ae gan, kʼ ame tabʼ ödrin ohuc.