I. Samuela 5:4 - Iaai Bible 1901 (New Caledonia)

⁴ Ke ödrin e tot hmetu nyi hnyomakatu, me wâ bi, a ta but hnyikânâi Dagona cicö tang tangö Iehova; ke haba bö Dagona, me li hnyamen ame mokut hnyi hwanuma a mou but, ke e bi unyi Dagona thiju.

I. Samuela 5:4 ပူးပေါင်းရင်းမြစ်များ

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Isaia 40:20

Ke haba at ae ba ta ûnyi, me ame ûca ûö ame ca he ka amam bi; e ame elâm hobi kâu bi ke at ae metâ huliwa he ka penapena hnatheat a ûnyi ame ca he ka bwebwet.

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Jeremia 10:14

Ame ve hwakecin meno bi tavat hia, me ba wâhmakhmeto unyidra: a ve hmehma but tavat huliwan gol hia ge anyidra bi hnatheat: anyin ae thoi but anyin idola adre okoiâ, ke ba homenâ eû hnyidrin.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Daniela 11:8

me hom bâ Aigupito ai je khongudrin, me anyidra je hna theat adre okoiâ, me anyidra je kaia ae ti so, a sileva me gol; ke e ame he ka hokhnyok hnyi je huna ae se ge than hnyi hwadro.

Mika 1:7

Ke adre me he ka thu omomono je idolainy hia thithö, ke adre me he ka thong degecâ ge meic je troban hia, ke oge me he ka öba wan je khongon hia: anyin a e ame ûkhöûnâ e ge troban momo hnyi gethen, kʼ adre me he ka he hmetu kʼ ame troban momo hnyi gethen.

I. Samuela 6:5

Anyin a wale öbtin e he ka theatâ anyibun je ohuc, me halebun je tep, hnyat okongoâ hnyei; ke öbun e he bi ka ogânâ Khongon at Isaraela; me ame ne he ka ohâhâ hnyamen hubun, me hon je khongubun me ibun hnyei.