I. Samuela 5:3 - Iaai Bible 1901 (New Caledonia)

³ Ke a todrö at Asedoda hnyi hnyomakatu, me wâ bi, ame ta but Dagona hnyikânâi cicö tang tangö Iehova. Me ödrin e kop Dagona me otilâ hmetu hnyi hnen.

I. Samuela 5:3 ပူးပေါင်းရင်းမြစ်များ

I. Je Than 18:26

Ke ödrin e hom bolok adre ham ködrin, me penapena, me hawâ iö Baala hwân hnyi hnyomakatu ke ne o but jebigö, me ha, ka habe, Baala lö, long ju kohmun. Ke ba hwan, me ba at ame thu. Me ödrin e gâ hon taben hut adre hia but ânyâ.

Salamo 115:7

E ve hu li hnyamödra, kʼ adre me ca mâdrâ bi; E ve hu li cadra, kʼ adre me ca he bi; Kʼ adre me ca fuc bi a deny je jeköwidra,

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Esodo 12:12

Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 40:20

Ke haba at ae ba ta ûnyi, me ame ûca ûö ame ca he ka amam bi; e ame elâm hobi kâu bi ke at ae metâ huliwa he ka penapena hnatheat a ûnyi ame ca he ka bwebwet.

Isaia 41:7

Ke haba at tretrau ûto ame sihwegiâ at leû fao, ke haba at ame okhabalavâ ge hama ame sihwegiâ at ame kot taben huliwa a fao, me ha, ka habe, E so, hna leû veto hnân hûjâ: me e ame ohmâ e ge je fao me me ca bwebwet.

Isaia 46:7

Adre me vadren e hon abenyidra, kʼ adre me hom tilâ e, me ip e hnyi hnen, ke e ame tot; kʼ ame ca he bi ûnyi hnyi hnen: eke, ame he at ka tenge kâu, ke e ca khana he ka thu, me omelo e ûnyi hnyi anyin hmak.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Mareko 3:11

Ke hnyi je ûen a wâ but e hnen ta je hanu ae kong, me ödrin e nom ju kâu me hongot, ka habe, U thibi Nokon Khong.

I. Samuela 6:1

KE e bi tang tangö Iehova hnyi hnyei iny at Filisiti seven je tehi.

I. Samuela 6:5

Anyin a wale öbtin e he ka theatâ anyibun je ohuc, me halebun je tep, hnyat okongoâ hnyei; ke öbun e he bi ka ogânâ Khongon at Isaraela; me ame ne he ka ohâhâ hnyamen hubun, me hon je khongubun me ibun hnyei.