I. Samuela 4:9 - Iaai Bible 1901 (New Caledonia)

⁹ E, öbun at Filisiti lö, hwege thʼ öbun, hnyok baga thö, wâ adre nye thaluʼ öbun ge at Heberu, helâ me hnobun hna thaluʼ ödrin: hnyok bagâ thʼ öbun, me vat.

I. Samuela 4:9 ပူးပေါင်းရင်းမြစ်များ

II. Samuela 10:12

Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

Isaia 14:2

Ke ame he je hnyei ka hum ödra, me ip ödra hnyi hnödra: ke ame he lap anyi Isaraela ka hum ödra ka hnyi hnyei i Iehova hnân je athnyaba obaga me omomo: ke adre me he ka hwenbödra bi, waleji tavat adre me bâ gadra; kʼ adre me he bi ka musi ka tavat adre me sedʼ ödra.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

I. Korinito 16:13

Hmâkâ thʼ öbun, tethmâ ju hnyi labageju, hnyok baga thö, hwege thö.

Owisa 10:7

Me ame ubâhlâ hmönyin anyi Iehova ka at Isaraela, me e ame ûcû ödrin ka hnyi hnyamen at Filisiti, me laku Amona.

Owisa 13:1

KE haba lakon Isaraela adre me ânyâ hmetu hwakecin ae kong hnyi hnyimakö Iehova; me Iehova ame hnʼ ödra ka hnyi hnyamen at Filisiti hnyi je huna a fâte.

I. Samuela 14:21

Ke haba at Heberu tavat ödrin e tha he unyin at Filisiti ehac, a tavat adre me tha he mödrin ka hnyi hna hunuma ûnyi hnyi hnyei igigilo; me haba hnyat eling ödrin e hwio he ka tha ödra me at Isaraela unyi Saulo me Jonathana.

I. Samuela 4:8

Ekölö gata! ia ame he ka hûgûnʼ ota ûnyi hnyi je hnyamen ta je khong eling ae hwege? wale ta je khong eji hnyat a kot at Aigupito ge ke je mok ae cap hnyi hnyebuba.