I. Samuela 4:2 - Iaai Bible 1901 (New Caledonia)

² Me at Filisiti adre me tot metâ ka at Isaraela: ke adre me hwân vat, ke Isaraela ame ngâ ge at Filisiti: ke adre me hlingâ tavat vat a helâ me foa thauzan.

I. Samuela 4:2 ပူးပေါင်းရင်းမြစ်များ

Je tenge anyi Jeremi 3:40

Ate me he ka elâm me cubec deta je gethen, me hmetu kö Iehova.

Levitiko 26:37

Ke ame he ke at ka ta hon ke at helâ me tavat kec ge hele vat, ke ba at ame hnu: ke ame he ka ba manibun man he ka tot hnyi hnyimakan je iwahnaihmiony möbun.

Numera 14:45

Ke ame utut at Amaleka me at Kanana, a wale tavat adre me laba hnyi bucen eling, me adre me kuc ödra me hnu ödra hmetu ke ne o but Horema.

Josua 7:12

Anyin a wale e ca khana lakon Isaraela he ka tot hnyi hnyimakan je iwahnaihmiony mödrin, ödrin e wia je judrin ka je iwahnaihmiony mödrin, anyin a ödrin e hnaûhango but: ke oge me ca he hmetu ka tha e möbun, öbun e ne ca degec ûnyi adre hake ip unyibun.

I. Samuela 17:21

Ke haba at Isaraela me at Filisiti ödrin e ve tot metâ, ke vat cicö ke vat.

I. Samuela 17:8

Ke e ame tot me hongot ka je utbavat anyin at Isaraela, me ha, kodra, ka habe, Ieû gabun öbun e ok he ka tot metâ hnyi vat? hawa, ca at Filisiti bi nya, ke öbun lathnyabai Saulo? Uca thö ke at gabun, me hamen he ka utut könya.

I. Samuela 4:1

KE ame o thö hofuc ho Samuela ka at Isaraela hia. Me ame he at Isaraela he ka vat me at Filisiti, me adre me hunuma hnyi Eben-eza: ke ame hunuma at Filisiti hnyi Afeka.

I. Samuela 4:10

Me haba at Filisiti adre me vat bi, ke ame ngâ but at Isaraela, me adre me ve kec ka hnyi umödra je uma mano: ke ti gan hmâ hna hlingʼ ödra; anyin ame ta but thote thauzan at Isaraela tavat he hon kânâ.

I. Samuela 4:3

Ke ame o tavat ka hnyi hna hunuma, me haba wahingatiny at Isaraela ödrin e ha ka habe, Can ieû Iehova ame kuc ota hnyi hnyimakan at Filisiti hnyi bong ang? E so ate me hom ûheny Silo tangen ûhihinyköu, me me e bi unyita, me omeli ota ûnyi ge je iwahnaihmiony möta.