I. Samuela 4:17 - Iaai Bible 1901 (New Caledonia)

¹⁷ Me ame thu at hom ûthumetu, ka habe, a kec dö at Isaraela ge at Filisiti, ke e gan hmâ hna hlingâ unyin tavat, ke a mok minya thö lakom, jia Hofeni me Fineasa, ke adre hia thö hûgûnâ tang tangen Khong.

I. Samuela 4:17 ပူးပေါင်းရင်းမြစ်များ

Salamo 78:61

Me hna anyin hwege ka hnyi hwenbâ, Ke hmanenanginy ka hnyi hnyamen iwahnaihmiöny.

Salamo 78:64

Ame ta but anyidra tavat bihut ge hele vat; Kʼ ame ca tengiʼ ödra hnen anyidrin ta je safac.

I. Samuela 2:34

Ke walang haten köu, a ûnyi ame he ka o ka li lakom, jia Hofeni me Fineasa; ödru me he ka tha mok hnyi bong a khaca.

I. Samuela 3:11

Haba Iehova ame ha kö Samuela, ka habe, Wâ bi, oge me he ka ânyâ ke ûnyi hnyi Isaraela, ke ame he ka mea hnyi li hnyikonyen tavat hia adre me long.

I. Samuela 3:12

Hnyi bong eling oge me he ka ânyâ kö Eli ta je ûnyi hia wale oge hia but ha ge anyin lap, hwân hnyi can, ke ne o but obiny.

I. Samuela 4:16

Ke haingen at kö Eli, ka habe, Inyʼ at ûhek hnyi vat, ke oge kec eja jem ûnyi hnyi hna vat. Ke haingen, ka habe, Nokuk, ieû bongon?

I. Samuela 4:18

Ke hnyi ûen e ame hâiâ tang tangen Khong, me e ame ta me hnyimen goranyai ûnyi hnyi taben tap hnyi baten homagöule, me ame hmetru but nyin me mokcu; anyin ae hingat ut me hmak. Ke e ame hia but owisa ka at Isaraela fâte je huna.