I. Samuela 4:10 - Iaai Bible 1901 (New Caledonia)

¹⁰ Me haba at Filisiti adre me vat bi, ke ame ngâ but at Isaraela, me adre me ve kec ka hnyi umödra je uma mano: ke ti gan hmâ hna hlingʼ ödra; anyin ame ta but thote thauzan at Isaraela tavat he hon kânâ.

I. Samuela 4:10 ပူးပေါင်းရင်းမြစ်များ

II. Samuela 18:17

Ke ödrin e hum Abasoloma me khûâ ka hnyi thop ae gan hnyi hnyot, me ti khon gânâ je veto hon: ke Isaraela hia ödrin e ve kec ka hnyi umödrin je uma mano.

II. Samuela 18:7

Me haba lahiö Davita ödrin e kot tavat eling a at Isaraela, ke e gan hmâ hna hlingâ eling hnyi bong e, ödrin twente thauzan.

II. Samuela 19:8

Me ame todrö than me laba hnyi homagöule. Ke ödrin e thumeto tavat; hia thithö, ka habe, Wâ bi, ame laba than hnyi homagöule: me ame he tavat hia ka than. Haba at Isaraela ödrin e ve kec ka hnyi umödrin je uma mano.

II. Samuela 20:1

KE e hu eling ke at Belial, Seba ien, nöku Bikeri, at Beniamina: ke e ame tûâ trutru, me ha, ka habe, E ba ke keihöhmun unyi Davita, ka ba jekhöûhmun unyin laku Jese: vese but ka hnyi umöbun je uma mano, Isaraela lö.

I. Je Than 12:16

Ke a wâ but Isaraela hia a gʼ ame ca long ködrin than, haba tavat adre me thu ka than me ha, ka habe, Ewa ke keihöhmun unyi Davita? ke ba jekhöûhmun unyin laku Jese: at Isaraela lö, vese thʼ öbun ka hnyi umöbun je uma mano: Davita lö, hamâm he ka tuö ânyâm lap. Me Isaraela ame vese but ka hnyi umödrin je uma mano.

I. Je Than 22:36

Ke ame he ûthumetu hââng ka hnyi wanben je utbavat e ka he but ka dit seûno, ka habe, Ve hmetu but ka hnyi anyibun je taun me je ibun.

II. Je Than 14:12

Ke Juda ame ngâ but hnyi hnyimakan Isaraela; me ödrin e ve kec ka hnyi umödrin je uma mano.

II. Man Ûlabainy Je Than. 13:17

Ke haba Abia me lakeiny ödrin e kuc ödrin, ke gan hmâ hna hlingʼ ödrin: ke ame ta but a mokcu hnyat a faiv haded thauzan at Isaraela, hnyat adre ûca.

II. Man Ûlabainy Je Than. 25:22

Me ame kong ut at Juda ge at Isaraela; mʼ ödrin e ve kec ka hnyi umödrin je uma mano.

Salamo 78:9

Adre me kec dö hnyi bonginy vat Lakon Eferaima adre penapena me hom je cafana.

Jeremia 7:12

Ke he thö walang ang ka hnyi hnok ehac hnyi Silo waleji oge bök ka ip iök hnyin, ke wâ thö hnok hna ânyâ kâu can hulo anyin lakeik a at Isaraela.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Deuteronomi 28:15

Ke u je ca löng hofuc ho Iehova Khongom he ka wâ wia me ânyâ anyin je hnanyibu hia, me hnen je hna hûna, wale oge me hûna köu hnyi bong ang; me ame he ka o köu me hom tilö u ta je hnaûhango hia eang.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

I. Samuela 3:11

Haba Iehova ame ha kö Samuela, ka habe, Wâ bi, oge me he ka ânyâ ke ûnyi hnyi Isaraela, ke ame he ka mea hnyi li hnyikonyen tavat hia adre me long.

I. Samuela 4:2

Me at Filisiti adre me tot metâ ka at Isaraela: ke adre me hwân vat, ke Isaraela ame ngâ ge at Filisiti: ke adre me hlingâ tavat vat a helâ me foa thauzan.