I. Samuela 31:2 - Iaai Bible 1901 (New Caledonia)

² Ke haba at Filisiti adre me hnu hwegiö Saulo me lakon; me at Filisiti ödrin e hlingö Jonathana, me Abinadab, me Malekisua a laku Saulo.

I. Samuela 31:2 ပူးပေါင်းရင်းမြစ်များ

II. Samuela 1:6

Me ame ha hidröu at ame thumeto e, ka habe, Inya o ge me he hon bucen Gileboa, ke wâ bi, Saulo ame tot inyifâlâ dân ö; ke wâ bi, je kariota me tavat tabö hors adre me hnu hwegiâ e.

II. Je Than 25:7

Me ödrin e hlingâ je laku Zedekia hnyi hnyimakan, me ûâ li emakö Zedekia, me ca e ge fao me hom e Babulona ai.

I. Man Ûlabainy Je Than. 10:2

Ke ame hnu hwegiö Saulo me lakon ge at Filisiti; me haba at Filisiti ödrin e kuc Jonathana, me Abinadab, me Maleki-sua, laku Saulo a kun.

I. Man Ûlabainy Je Than. 8:33

Ke haba Neri ame hnöku Kiso; ke Kiso ame hnöku Saulo; ke Saulo ame hnöku Jonathana, me Maleki-sua, me Abinadab, me Esibaala.

I. Man Ûlabainy Je Than. 9:39

Ke haba Neri ame hnöku Kiso; ke Kiso ame hnöku Saulo; ke Saulo ame hnöku Jonathana, me Maleki-sua, me Abinadab, me Esebaala.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

I. Samuela 13:16

Ke ame laba Saulo me Jonathana a nokon me tavat unyidru hnyi Geba hnyi Beniamina ke haba at Filisiti adre me hunuma hnyi Mikemas.

I. Samuela 13:2

Ke haba Saulo ame ûca hobi kâu kun ta thauzan at Isaraela; haba lo li thauzan ka e bi unyi Saulo hnyi Mikemas me hnyi bucen Beth-ela, ke haba khaca thauzan ka e unyi Jonathana hnyi Gibea hnyi Beniamina: ka haba kolon tavat e ame ve kunʼ ödrin ka hnyi umödrin je uma mano.

I. Samuela 14:22

Helâe minya hnyat Isaraela hia a hnyat adre lubaduöng hnyi hnyei ae hut hnyi Eferaima, kʼ ödrin e long a ga kec ut at Filisiti, me ödrin e hnyi hnu ödrin hwegiödrin hnyi vat.

I. Samuela 14:49

Ke walang laku Saulo, Jonathana, me Ishivi, me Maleki-sua: ke walang ien lakon li hlu; jia Meraba wale atö, ke Mikala ien wakeiat:

I. Samuela 23:17

Me e ame ha kâu, ka habe, Ca ot anyin ame ca he cica Saulo ka ō u; ke u me he ka tuhan Isaraela, ke oge me he ka loiny hmelâm; ke haba hhaca, e khanö cica Saulo ling.

I. Samuela 28:19

Ke haba khaca ame he Iehova ka tha hna at Isaraela möu ka hnyi hnyamen at Filisiti: ke nyi u me he me lakom ka tha e mönya: ke ame he Iehova ka hna je utbavat anyi Isaraela ka hnyi hnyamen at Filisiti.