I. Samuela 30:8 - Iaai Bible 1901 (New Caledonia)

⁸ Ke Davita ame hnö ga Iehova, ka habe, Oge ne hnu hoton deö vat, hawa, oge me he ka hom tilödrin? Me ame ha kâu, ka habe, Hnu thö; me u me he ke khöu ödrin, me hûgûnâ hia hmetu.

I. Samuela 30:8 ပူးပေါင်းရင်းမြစ်များ

Genese 14:16

Ke e ame hom hmeto ta je ûnyi hia, ke ame hom hmetu minya Lota a keiny, me anyin ta je ûnyi, me omomo, me tavat.

II. Samuela 5:19

Haba Davita ame hnö unyi Iehova, ka habe, Hawa, oge me he ka tot ka at Filisiti? u me he ka hnʼ ödrin ka hnyi hnyamok? Haingö Iehova kö Davita, ka habe, He thö: anyin oge me he ka ti hna at Filisiti ka hnyi hnyamâm.

II. Samuela 5:23

Ke Davita ame hnö unyi Iehova, me e ame ha, ka habe, U me ca he ka he: ke so bi u me he hwale thö ka hnyi hotudrin, ke he thö hodrin cicö je ûö baka.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Esodo 15:9

Haingen iwahnaihmiony, ka habe, Oge me he ka hnu, oge me he ka homtilâ, oge me he ka khenâ hna hûgûnâ: Oge me he ka sekuk ûnyi gadra; Oge me he ka oc anyik hele vat, ame he hnyamok ka ohiʼ odra.

Numera 27:21

Ke e ame he ka tot hnyi hnyimakö Eleazara at bihut, ke hamen he ka hnö hobi kâu hnyi hna owisa hnen Urim hnyi hnyimakö Iehova: ke adre me he ka he hoton hnen hna ha, kʼ adre me he ka hmetu hoton hnen hna ha, a e me lakon Isaraela hia a tha ödra mē, wale ûkhacaköu hia.

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.

Owisa 20:23

(Ke ame he lakon Isaraela me tenge hnyi hnyi-makö Iehova ke ne o but hnyi sahac; ke ödrin e hnei Iehova me ha, ka habe, Hawa, oge me he hmetu he ka vat me laku Beniamina je liamekeiny mönya? Ke Iehova ame ha, ka habe, He thö ködrin.)

Owisa 20:28

ke haba Fineasa nöku Eleazara, nöku Arona at ame tot hnyi hnyimakan hnyi ûen e,) me ha, ka habe, Hawa, oge me he ka he hmetu he ka vat me laku Beniamina je liamekeiny mönya, hawa, ame ne hna ju? Ke haingö Iehova, ka habe, He thö, anyin oge me he ka hnʼ ödrin nyi ka hnyi hnyamâm.

Owisa 8:4

Ke ame o but Gideona hnyi Joridano, me he hanyâûâ, e me tavat a kun ta haded unyin, a sënyin dut, kʼ ame tiga hnuhnu bala bi.

I. Samuela 10:22

Anyin a wale adre me elâm hmetu unyi Iehova, hawa, e tiga hu ke at biju ame he ka he jem? Me Iehova ame thu, ka habe, Wâ bi, e ame lubaduöng hnyi je thatûnyi.

I. Samuela 14:37

Haba Saulo ame elâm unyin Khong, ka habe, Hawe, oge me he ka he ûcon at Filisiti? hawa, u me he ka hnʼ ödra ka hnyi hnyamen at Isaraela? Ke e ame ca thu kâu hnyi bong eling.

I. Samuela 23:2

Anyin a wale Davita ame hnö ga Iehova, me ha, ka habe, Hawa, oge me he ka he me kot at Filisiti eling? Haba Iehova ame thu kö Davita, ka habe, He thö ka kot at Filisiti, me omelö Keila.

I. Samuela 23:4

Ke Davita ame hnö hmetu unyi Iehova. Ke Iehova ame thu kâu, me ha, ka habe, Todrö, he thö Keila ai; anyin oge me he ka hna at Filisiti ka hnyi hnyamâm.

I. Samuela 28:6

Ke Saulo ame hnö ga Iehova, ke Iehova ame ca thu kâu, ca deny je bwi, ke ca deny Urim, ke ca deny je perofeta.

I. Samuela 30:18

Me Davita ame hûgûnâ hmetu ta je ûnyi hia waleji a hom at Ameleka: ke Davita ame hûgûnâ hmetu minya laâiân.

I. Samuela 30:19

Ke ba ke ûnyi bi ae hia gadrin ame ne ûhnyûkong ame ne gan, me lakudrin obaga me wahlu, me ta je ûnyi adre sö, me ta je ûnyi hia ödrin e hom: me Davita ame hom hmetu hia.