I. Samuela 30:6 - Iaai Bible 1901 (New Caledonia)

⁶ Ke gan hmâ hlöuhlöu anyi Davita; anyin ame ûhnenamö tavat he ka lûâ e, anyin ae vec hnyekon tavat hia thithö can je lakudrin obaga me wahlu: ke Davita ame siwhegiâ e bi ga Iehova Khongon.

I. Samuela 30:6 ပူးပေါင်းရင်းမြစ်များ

Genese 32:7

Me Jekob ame ot gan hmâ me hmak hnyekon: me e ame khenâ luâ tavat unyin, me ta je mamoe, me kâu, me kamela;

II. Samuela 17:8

Ke haba Husai ame ha minya, ka habe, E khanö u hwakecin kâmâm me tavat unyin, a ödrin hnyat ae hwege, ke hmonyin je hnyekudrin helâ me bea adre hûgûnâ lakon hnyi hnyot: ke at vat kâmâm, ke ame ca he ka tha mokut me tavat.

II. Je Than 4:27

Ke ame o but momo ka aten Khong hnyi dok ae hut, me ame kât li can. Me haba Gehazi ame hakekeny he ka hagutâ momo; ke haingen aten Khong, ka habe, Ca ânyâ: anyin ae vec hnyekon momo; kʼ ame ikhâlâ gak Iehova a ca thumetu nya.

Jobu 13:15

Eja ke ne a ne hlingö nya, oge me he ka halubahingen: Ke so bi oge me he ka haisoâ dek je gethen hnyi hnyimakan.

Salamo 116:10

Oge me labageju, wale me inye fuc dö: E gan hmâ anyik vec:

Salamo 138:3

U je thu könya hnyi bong oge me hongot, U je sihwegiö nya ge tang hwege ka hnyi hanuk.

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 18:6

Oge me hongot kö Iehova hnyi anyik vec, Me khöû ka Khonguk: Ke e ame long hok hofuc hnyi umen uma ae kap, Ke hok hwatenge hnyi hnyimakan ame o but ka hnyi li hnyikonyen.

Salamo 25:17

Adre osehia ta je vecin hnyekuk: U na hum nya ûnyi hnyi anyik ta je vec.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Salamo 31:24

Hwege thö, ke so ame he je hnyekubun ka hwege, Öbun tavat hia öbun e halubahing Iehova.

Salamo 42:11

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu bi, Wale melen linyimakök, me Khonguk.

Salamo 42:5

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu Ge möt ûnyi hnyi hnyimakan.

Salamo 42:7

Ame hongot ke dok ae dit ka ke dok ae dit hnen hwan ânyâm je boûdet: A hia but khutukhaûö nya ânyâm ta je waköiö me ânyâm je wabulu.

Salamo 56:11

Ge Khong, oge hia but labageju, oge me ca he ka ot; Ie ûnyi ae khana at he ka ânyâ könya?

Salamo 62:1

AME laba hnyibû hanuk ka Khong thibi: Ûnyi gan anyik möt.

Salamo 62:5

Hanuk lö, e so u me he ka laba hnyibû ka Khong thibi; Anyin a ûnyi gan hnok hna gejon.

Salamo 71:4

Khonguk lö, uny nya but ûnyi hnyi hnyamen at ae kong, Ûnyi hnyi hnyamen at ae ca wisa me at ûokonguny.

Salamo 71:5

Iehova lö, Than, u thibi hnok hna laba gejon; Oge me labageju köu, hwân kʼ iny tiga hidröu.

Esodo 17:4

Ke haba Mose ame tenge kö Iehova, me habe, Ieû oge me he ka ânyâ ka tavat eang? helâ ke adre me he but ang ka lûö nya ge veto.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jona 2:2

Ke e ame ha, ka habe, Oge me tenge kö Iehova hnyi anyik vec, Me e ame thu könya; Oge me khöû ûnyi hnyi hnyekon hedis, Me u je long ifucik.

Numera 14:10

Ke haba ûkhacakoû hia adre me ha he ka luʼ ödru ge veto. Me ame manen hmanenangi Iehova hnyi uma ûkhacaköu ka lakon Isaraela hia.

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.

Mataio 27:22

Haba Pilato ame ha kodra, ka habe, Ke ieû oge me he ka ânyâ kö Iesu adre me hwenyi ien Keriso? Me haingödra hia, ka habe, Osatauroâ thö.

Ioane 8:59

Me adre me hom je veto he ka lûâ e: ke haba Iesu ame ka oiyongâ e bi, me didrut ûheny hnyi uma kap.

Roma 4:18

Waleji ae ba hnân gejon unyin, ke e ame labageju me gejon a e ame he ka kamen ta je hnyei ae se hia, hoton hna ha, ka habe, Ame he ka helâe je mâtrânâm.

Roma 4:20

eke, e ame ca loloâ me ca labageju, kʼ ame wâ hmâ hna ha bânâ hnen Khong, ke e hwege bi ûnyi ge labageju, kʼ ume ogânâ Khong,

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

II. Korinito 1:6

Ke adre me ne oveci öhmun, me wale hnân hobi kâu anyibun kaukahwa me möt; ke adre me ne okahwʼ öhmun, me hnân he ka okahwʼ öbun, wale ame huliwa hnyi anyibun hokhnyok hnyi je vec a tha ûcû me anyihmun je vec:

II. Korinito 4:8

adre ûhneki igigili öhmun, kʼ öhmun ca gum bi; öhmun e hlohlo, ke ca gâ bi ûhmun;

II. Korinito 7:5

Anyin a waleji hnyi hnöhmun hna o but hnyi Makedonia, ame ca menâ bi je unyihmun, ke öhmun e vec hnyi ta je ke keihen hia; e hu vat hnyi hoton, ke ot eû hnyin.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

Owisa 18:25

Me ame ha kâu laku Dana, ka habe, E so adre me ca long hwâm hofuc unyihmun wâ e nye kuc u thö tavat ae hmönyin, me u me he ka mok me ânyâm lap.

Owisa 20:22

Ke haba tavat a lakon Isaraela ödrin e sihwegiödrinköuödrin, me tot metâ hmetu he ka vat hnyi dok ödrin e tot metâ hnyin hnyi bong a bân.

I. Samuela 1:10

Ke e vec hnyekon momo, me e ame hic kö Iehova me tenge.

I. Samuela 23:16

Ke ame todrö Jonathana nöku Saulo, me he kö Davita hnyi hnyot, me sihwegiâ unyin Khong.

I. Samuela 28:15

Haba Samuela ame ha kö Saulo, ka habe, Anyin a ieû u je bwebweli nya, he ka oi nya? Haingö Saulo, ka habe, Iny hlohlo gan hmâ; anyin ame he at Filisiti ka vat mönya, ke hia but Khong unyik ke ame ca thu hmetu bi könya, a ca deny je perofeta, ke ca deny je bwi: wale me inye hawo u thö, me u me omanenâ könya ûnyi oge me he ka ânyâ.