I. Samuela 30:31 - Iaai Bible 1901 (New Caledonia)

³¹ me ködrin knyi Heberona, me ködrin hia thithö wale hnö Davita me anyin tavat hna labö he kâu.

I. Samuela 30:31 ပူးပေါင်းရင်းမြစ်များ

II. Samuela 15:10

Ke haba Abasoloma ame kunâ je hnyat wâ bongon ka hnyi ta je tribu hia anyi Isaraela, haingen, ka habe, Öbun ka long dö hwan trutru, öbun e he ka ha, ke habe, Than dö Abasoloma hnyi Heberona.

II. Samuela 2:1

KE hwaban e Davita ame hnö ga Iehova, ka habe, Hawa oge me he ka he hnyi ke je taun anyin at Juda? Ke Iehova ame ha kâu, ka habe, He thö. Ke Davita ame ha, ka habe, Oge ma he kâ? Haingen, ka habe, Heberona.

II. Samuela 2:4

Me ame o hnyat Juda, ke ödrin e hû Davita eling hnân than hon lap anyin at Juda. Ke adre me thumetu Davita, ka habe, Haba hnyat a konim Saulo ödrin hnyat Jabesi-gileada.

II. Samuela 4:1

KE a long ut nöku Saulo a ga mokcu Abinera hnyi Heberona, me ame sēnyin li hnyamen, kʼ ame hmak hnyekon at Isaraela hia.

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Josua 15:13

Ke e ame ham kö Kaleba nöku Jefune jekhon unyin laku Juda, helâ me hnö Iehova hna hûna kö Josua wale Kiriath-Areba, haba Areba kamö Anaka (wale Heberona).

Josua 21:11

Ke adre me ham ködrin Kiriatha-areba, haba Areba me kamö Anaka (wale Heberona), hnyi hnyei ae hut hnyi Juda, me je utkânâ igigilö e.

I. Samuela 23:22

Ö öbun he thö, ka me okhaca tuö, me wâhmakhmeto thö hnen hna lubaduöng hnyin, ke ia a wâ eling: anyin adre ha könya, ka habe, e ame ti metâ.