I. Samuela 30:26 - Iaai Bible 1901 (New Caledonia)

²⁶ Ka o but Davita hnyi Zikelag, me e ame kunâ ke je ûnyi adre sö ka je hingatiny hnyei Juda, a je lahanen, me ha, ka habe, Walang bwihlany hobi köbun ûnyi hnyi je ûnyi adre sö ge je iwahnaihmiony me Iehova;

I. Samuela 30:26 ပူးပေါင်းရင်းမြစ်များ

Genese 33:11

Ö u kap ju anyik betenge adre hom köu; anyin a hia but betenge gak Khong, anyin e gan hmâ anyik ta je ûnyi. Kʼ ame ûjengö e, me e ame kap ju.

II. Samuela 1:1

KE hwaban mok anyi Saulo, ke a hmetu Davita ûheny hnyi hna kot at Amaleka, ke lo li bong Davita ame laba hnyi Zikelag;

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

Salamo 35:27

E so e hongot senyin me hobâ tavat adre me senyin ge hwakecik ae wisa: E ke, e so adre me ha bala bi, ka habe, Oganö Iehova thö, Wale at ame senyinâ hnahic anyin athnyabainy.

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Isaia 32:8

Ke haba at betenge e ame elâm deny betenge, ke e ame he ka tethmâ ûnyi ge hwakecin betenge.

II. Korinito 9:5

Anyin a wale oge me ûnykûme ae ûnyi hnathu he ka khöû ka ta je liamekeiny he ka bodrin köbun me penapena ta je ûnyi hnyi anyibun ibetengiö, waleji öbun e ha bânâ ehac, mʼ öbun e he ka penapena e, helâ me ûnyi hnyi ibetengiö, ke ca helâ bi me hna behânâ.

I. Samuela 18:17

Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.

I. Samuela 25:27

Ke walang ang haba bwihlany eû wale a hom athnyabaem ka tuhok, ham dö ka je hidröu, tavat ödrin e he hoton tuhok.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.

I. Samuela 30:20

Ke Davita ame hom je hnahat mamoe me kau, wale ödrin e alen hnyi hnyimakan ke je meno eling, me haingen, ka habe, Anyi Davita but je ûnyi ang.

I. Samuela 30:25

Ke hwân hnyi bong eling ke ne o but nyiele, e ame otilâ e hnân hnanyibu me owisa hnyi Isaraela ke ne o but hnyi bong ang.