I. Samuela 30:16 - Iaai Bible 1901 (New Caledonia)

¹⁶ Me e ame su e, me wâ bi, adre me laba me avâ kânâ hia, kʼ adre me han me ic me bijeûâ, anyin ae se hia je ûnyi adre me hûgûnâ ödrin e hom ûnyi hnyi hnyei iny at Filisiti, me hnyei Juda.

I. Samuela 30:16 ပူးပေါင်းရင်းမြစ်များ

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

I. Man Ûlabainy Je Than. 4:43

Ke ödrin e kot je kolon at Amaleka a je wan biju, me laba ju eling ke ne o but hnyi bong ang.

Jobu 20:5

A e okhulit thibi hna hobâ hnen tavat ae kong, Ke thuthubademak senyin anyin tavat adre me ca ot?

Salamo 119:162

Oge me senyinâ hwâm hofuc, Helâ me at ame hlo omjeû ae gan hmâ adre söh.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Isaia 22:13

ke wâ bi, adre me senyin me hobâ, adre me khuc bolok, me hlingö mamoe, me han ûtiö, me ic waina: ate me he ka han me ic, anyin a nyi ate me he ka mok.

Isaia 9:3

U je hia but osehia hnyei, ke u je ogânâ senyin: kʼ adre me senyin hnyi hnyimâkâm helâ me senyin hnyi menu, ke helâ me hna senyin ge tavat adre me khenâ je hna söh.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Josua 22:8

me ha ködrin, ka habe, He hmetu thö ka hnyi umöbun je uma me tang omjeû ae gan, me je meno ae se hia hmönyin, me sileva, me gol, me bras, me fao, me je ûkhaû ae ti se hia: öbun e he ka tha khenâ me je liamekeiny möbun je ûnyi adre hûgûnâ ûnyi ge je iwahanaihmiöny möbun.

Owisa 8:11

Ke haba Gideona ame ölö thö hnyi gethen deny tavat adre me laba hnyi je uma mano hnyi ke keihen e deiö Noba me Jogeba, me hlingâ je utbavat; anyin ame laba hmâ vat eling.

I. Samuela 30:14

Ke ohmun e utut ka hnyi hon ke keihen a hwaiöuiny at Kerethi, me ke keihen iny at Juda, me hwaiöuiny Kaleba; ke ohmun e thong Zikelag ge meic.

I. Samuela 30:15

Ke Davita ame ha kâu, ka habe, Hawa, u me he ka su nya ka hnyi deö vat eling? Me haingen, ka habe, Khemanyin dö könya unyin Khong a u me ca he ka hlingö nya, me hnö nya hmetu ka tuhok, me oge me he ka hum u kâe ka hnyi deö vat.