I. Samuela 30:12 - Iaai Bible 1901 (New Caledonia)

¹² ke ödrin e han ge û ometâ, me li de wan vine adre hlec meleca; ke e ame han, me ame hmetu hanon: anyin a kun ta bong ke kun ta lit a ca han hnyin me ic.

I. Samuela 30:12 ပူးပေါင်းရင်းမြစ်များ

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Je tenge anyi Jeremi 1:11

Adre me mâng ta je aten hia, adre me heleû jeû; Adre hia but ham anyidra ta je ûnyi ae kese hnân ûcû jeû, mʼ adre me ohâtâ melidra: Iehova lö, bwele ju, ke wâ ju; anyin oge kong ut.

Jona 1:17

Ke Iehova ame penapena wâ ae gan hmâ he ka uto Jona: ke Jona ame laba hnyi hnyekon wâ hnyi kun ta lany ke kun ta lit.

Mataio 27:63

me ha, ka habe, Taböny than lö, ohmun e ûnykûme a gʼ ame ha hnen at iyawö eling, kē tiga möt, ka habe, Hwaban kun ta bong oge me he ka möt hmetu.

Owisa 15:19

Me haba Khong ame kia thop a e hnyi Lehi, me ame o köiö ûnyi hnyin: ke e ame ic me ame o hmetu hanon me me möt bi: anyin a wale adre hwenyi ien e me Eni-hakore, ke e hnyi Lehi ke ne o but hnyi bong ang.

I. Samuela 14:27

Ke haba Jonathana ame ca long bi hnen kamen hna khemanyin ka tavat: ke e ame inâ hnyiban uci wale hnyi hnyamen, me hneû e hnyi hani, me hai hnyamen ka hnyi hnyimen; me ame metâ li emakan.

I. Samuela 30:11

ke ödrin e wâ ke at Aigupito hnyi hnyei, me ödrin e hom e kö Davita, me bân ge falawa me habelen ge köiö;

I. Samuela 30:13

Ke haingö Davita kâu, ka habe, U atö ia? ke ûhem ua? Haingen, ka habe, Iny hidröu Aigupito, a athnyabainy ke at Amaleka; ke a digic nya tuhok, anyin a o könya mok hnyi bong et eji.