I. Samuela 30:1 - Iaai Bible 1901 (New Caledonia)

¹ KE ame o Davita me je aten hnyi Zikelag hnyi bong a kuniny, me ame hia but utut at Amaleka ka hnyi hon ke keihen hnyi Hwaiöu, me hon Zikelag minya, me kot Zikelag, me thoug ge meic:

I. Samuela 30:1 ပူးပေါင်းရင်းမြစ်များ

Genese 24:62

Ke haba Isaaka ame he hnyi gethen ûheny Bere-lahai-roi; anyin a e ame laba hnyi hnyei ka hnyi Whaiöu.

II. Samuela 1:1

KE hwaban mok anyi Saulo, ke a hmetu Davita ûheny hnyi hna kot at Amaleka, ke lo li bong Davita ame laba hnyi Zikelag;

II. Samuela 1:2

me haba hnyi bong a kuniny, wâ bi, ame o but ke at ûheny hnyi hna hunuma unyi Saulo ae khekhe anyin je ûkhaû, ke e hu kânâ hon ban: ke e ame o but kö Davita me e ame ta hnyikânâi me khudrung.

II. Samuela 1:8

Haingen könya, ka habe, U ia? Ke oge me thu kaû, ka habe, Iny at Amaleka.

II. Samuela 15:18

Ke ame tha he ehele lathnyaba hia unyin; me at Kerethi me Pelethi, me Gatha hia, tavat a siks haded hnyat he hoton ûheny Gatha, ödrin e bodrin hnyi hnyimakan than.

I. Man Ûlabainy Je Than. 12:21

Ke ödrin e hadruo Davita he ka vat me deo vat adre sei: anyin a ödrin tavat hwege hia, ke je taben vat ut ödrin.

I. Man Ûlabainy Je Than. 12:22

Anyin a hnyi ke bong me ke bong adre me labö o kö Davita he ka hadruâ e, ke ne o but ödrin e se hia hmonyin, helâ me utbavat anyin Khong.

Jeremia 41:12

me adre hom tavat hia me he me vat me Isamaela nöku Nethania, me adre me wâ e hnyi an ae gan hnyi Gibeona.

Josua 11:6

Ke Iehova ame ha kö Josua, ka habe, Ca he ka oût ödra; anyin a nyi hnyi ûen a helâng, oge me he ka hnʼ ödra hia thithö adre hlingʼ ödra, hnyi hnyimakan at Isaraela: u me he ka sö can haledrin je hos, me le anyidrin je kariota ge meic.

Josua 15:31

me Zikelak, me Mademan, me Sanesana;

I. Samuela 15:7

Ke Saulo ame kot at Amaleka hwân hnyi Havila wale gethen ame he Sura ai, cicö Aigupito.

I. Samuela 15:8

Ke e ame hom meli Agaga thaniny at Amaleka, ke adre me tha ohia tavat hia ge hele vat.

I. Samuela 27:6

Haba Akisa ame ham kâu hnyi bong eling Zikelag: anyin a wale iny je than Juda Zikelag ke ne o but hnyi bong ang.

I. Samuela 29:10

Awe, tha vesâkong ut me lathnyabainy tuhâm adre tha I he jem möu: ke öbun ka todrö hnyi hnyomakatu, ke lany dö, ie he thö.

I. Samuela 29:11

Me Davita me je aten ödrin e vesâ hnyi hnyomakatu, he ka hmetu ka hnyi hnyei iny at Filisiti. Ke at Filisiti adre me he Jezerela ai.

I. Samuela 29:4

Me ame hmonyin kâu latuhan at Filisiti; me haingen kâu latuhan at Filisiti, ka habe, Kunâ hmetu ju, me me he ka hnyi gan, wale dok u je ip hnyin, ke e ame ca he ka tha he mötin ka hnyi vat, wâ e nye hwio thö me kuc ötin hnyi vat: ke ieû ame he ka ûsoköu kâu me tuhan? hawa ca ge je ban tavat eang?

I. Samuela 30:14

Ke ohmun e utut ka hnyi hon ke keihen a hwaiöuiny at Kerethi, me ke keihen iny at Juda, me hwaiöuiny Kaleba; ke ohmun e thong Zikelag ge meic.