I. Samuela 3:19 - Iaai Bible 1901 (New Caledonia)

¹⁹ Ke ame gan tot Samuela, ke tha Iehova mê, ke e ame ca hna he ka kolu ka hnyi kânâ khaca hnyi hwan je hofuc.

I. Samuela 3:19 ပူးပေါင်းရင်းမြစ်များ

Genese 21:22

Ke haba hnyi ûen eling Abimeleke me Fikolo tuhan anyin je deö vat, ödru me ûhnenamö me Aberahama me ha, ka habe, E unyâm Khong hnyi ta je ûnyi hia u je ânyâ:

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 39:2

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

Genese 39:3

Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

I. Je Than 8:56

Ole kö Iehova at ame omenâ lakeiny a at Isaraela, helâ me hnen hna ha bânâ hia: e ca haû bi ke hofuc a khaca hnyi hwan ta je hofuc hia ae so, waleji e ame ha a deny Mose athnyabainy.

II. Je Than 10:10

Khanʼ öbun dö walang ang a ame ca he ka kolu hnyikânâi ke uthofuc ho Iehova, wale ame ha Iehova ge lap anyi Ahaba: anyin a hia but Iehova ânyâ ûnyi e ame ha a deny Elia athnyabainy.

II. Je Than 15:12

Wale hofuc ho Iehova a ha kö Jehu, ka habe, Ame he je mâtrânâm ka tabâ theron hnyi Isaraela ke ne o but hnyi dö a vakiny. Me adre helâe.

II. Je Than 22:16

Walang hna ha hnö Iehova, ka habe, Wâ bi, oge me he ka oâ monu ka taun ang me tavat adre me labâ e, wale ta je ûnyi hia hnyin tusi a aû than Juda:

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Luka 1:28

Haba angela ame didro kâu me ha, ka habe, E, u at adre betenge gan lö, e but unyâm Than.

Luka 1:80

Kʼ ame gan dut wanakat, me hwege tot hanon, me e ame laba hnyi je dok ae ba aten ke ne o but hnyi bong hnân omanenâ e ka at Isaraela.

Luka 2:40

Ke ame gan dut wanakat, me ame hwege me metâ tot: ke e unyin ibetengiö anyin Khong.

Luka 2:52

Haba Iesu ame kû tot hnyi metâ me je huna, ke ame betenge gan Khong me at.

II. Korinito 13:11

Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

II. Korinito 13:14

E so e unyibun hia thithö ibetengiö baû anyin Than Iesu Keriso, me ibetengiö anyin Khong, me tha e mʼ öbun Hanu Kap.

Deuteronomi 18:22

Haba, e ka he perofeta ka ha hofuc hnyi iö Iehova, kʼ ame ca o bi ûnyi, kʼ ame ca hwâdâ bi, awe, wale hofuc ame ca ha Iehova: ke ame hia but ha e sheshamökâ hnen perofeta, mʼ u me ca he ka outen at e.

II. Timoteo 4:22

E so e unyin hanom Than. E so e unyibun ibetengiö baû.

Josua 21:45

Ke ame ca haû ke hofuc hnyi ta je hofuc ae so ame ba Iehova ka lap anyin at Isaraela; kʼ ame hwâdâ hia.

Owisa 13:24

Ke haba momo ame hnokoâ da me hwenyi ien Samasona: ke ame gan tot wanakat, ke haba Iehova ame ohnahicâ e.

I. Samuela 10:7

Ke e ka āt do köu je haten eling, u me he ka ânyâ hnâm hna wâhmakhmeto; anyin a e unyâm Khong.

I. Samuela 12:2

Ke haba walang ang, me ame ngenu tuhöbun hnyi hnyimaköbun: ke inyʼ hingat ut, me hûen dut; ke wâ bi e unyibun li lakuk: ke oge hia but ngenu hnyi hnyimaköbun hwân kʼ iny tiga thoth ke ne o but hnyi bong ang.

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.

I. Samuela 18:12

Ke haba Saulo ame outö Davita anyin a e bi Iehova unyin, ke e hia but unyi Saulo.

I. Samuela 18:14

Ke Davita ame ânyâ metâ hnyi ta je hwakecin; ke e bi Iehova unyin.

I. Samuela 18:5

Ke Davita ame labö he ka hnyi je hna kunâ kâu hnö Saulo, me metâ hwakecin: ke Saulo ame otilâ e hon aten vat, kʼ ame so ka tavat hia, me lathnyabai Saulo.

I. Samuela 2:21

Ke haba Iehova ame senö Hana, me e ame erkin, me hu lakon a kun ta da me lo li in. Ke ame gan tot wanakat jia Samuela hnyi hnyimakö Iehova.

I. Samuela 2:26

Ke ame gan tot wanakat Samuela, ke ame betenge gan Iehova, me tavat minya.

I. Samuela 9:6

Ke haingen kâu, ka habe, Wâ bi, e hu ke aten Khong hnyi taun eang, at ae lung so; ame hwâdâ hia hnen je hna ha: otu Le kâ e; ame ne he ka omanenâ kötu la ge hnötu hna vheno.