I. Samuela 3:18 - Iaai Bible 1901 (New Caledonia)

¹⁸ Ke Samuela ame thumeto ge ta je ûnyi hia, ke ame ca ikhâlâ gan khaca. Ke haingen, ka habe, E bi Iehova, hamen he ka ânyâ ûnyi ae so hnyi hnyimakan.

I. Samuela 3:18 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

II. Samuela 10:12

Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

II. Samuela 15:26

ke ame ne ha, ka habe, Oge me ca senyin gam; awe walönya ang, hamen he ka ânyâ könya unyi ae so hnyi hnyimakan.

II. Je Than 20:19

Haba Hezekia ame ha kö Isaia, ka habe, E so hofuc ho Iehova wale u me ha. Ke haingen minya, ka habe, Hawa, e ca so eling, ame ne hu ûsoköu me hnathu hnyi bonguk je bong?

I. Man Ûlabainy Je Than. 19:13

Hwege ju, ke hnyok baga but hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so hnyi hnyimakan.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Jobu 2:10

Me haingen ka momo, ka habe, E ûcû ifucâm me ifucin ke momo ae monu. Hawa? ate me he ka kap so ûnyi ge Khong, ke ate me ca he minya bi he ka kap ûnyi ae kong? Haba hnyi ta je ûnyi hia thithö eling a ca monu bi Jobu hnen li esongodiny.

Salamo 39:9

Oge me hum but, oge me ca khong hnyimök; Anyin a u thibi at a ânyâ.

Esodo 34:5

Ke Iehova ame utut hnyi ûlâ, me tha tot me eling me haimemenâ iö Iehova.

Isaia 39:8

Haba Hezekia ame ha kö Isaia, ka habe, E so hofuc ho Iehova wale u me ha. Ke e ame ha minya, ka habe, Ame he ka hu ûsoköu me hnathu hnyi bonguk ta je bong.

Jeremia 34:6

Me Jeremia perofeta ame ha kö Zedekia than Juda ta je hofuc eling hnyi Jerusalema,

Jeremia 38:14

Me haba Zedekia than ame ûkhûnöng he ka hao Jeremia perofeta kâu, ka hnyi hwanuma a kuniny hnyi uma umö Iehova: ke haingen than kö Jeremia, ka habe, Oge me he ka hnei u ge ke hofuc; ca he ka ikhâlâ gak.

Jeremia 42:4

Ke Jeremia perofeta ame ha ködra, ka habe, Oge hia but ling öbun; wâ bi, oge me he ka hic kö Iehova Khongubun, hoton hnobun hna ha; ke haba ta je ûnyi hia ame he Iehova ka thu köbun, oge me he ka omanenâ köbun; oge me ca he ka ikhâlâ gabun ke ûnyi.

Je tenge anyi Jeremi 3:39

Anyin a ieû ûhaiö at ae möt, wale at, can hwaban anyin ta je hulo?

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

I. Peteru 5:6

Anyin a wale, ohnyikönʼ öbun ju hnyi hmelen hnyamen Khong ae man, me me he ka ogoranyi öbun hnyi ûen ae ûcû;

Owisa 10:15

Haba lakon Isaraela ödrin e ha kö Iehova, ka habe, Ohmun e ânyâ hwakecin ae kong, hamâm he ka ânyâ hia kohmun ûnyi ae so köu; ke so bi ö u omeli ohmun thibi hnyi bong ang.