I. Samuela 3:17 - Iaai Bible 1901 (New Caledonia)

¹⁷ Ke haingen, ka habe, Ieû ûnyi adre hia but ha köu? Ö u ca he ka ikhâlâ gak: e so ame be khong ka ânyâ helâe köu, me bi hanen u je ne ikhâlâ ke ûnyi wale a ha köu.

I. Samuela 3:17 ပူးပေါင်းရင်းမြစ်များ

II. Samuela 14:18

Me ame thu than me ha ka momo, ka habe, Ö u ca he ka ikhâlâ gak ûnyi oge me he ka hnö gam. Haingen momo, ka habe, E so than a tuhok ame fuc walang ang.

II. Samuela 19:13

Ke ha thö kö Amasa, ka habe, Hawa, ca jeiök u me utioik? e so Khong ame ânyâ helâe könya me bi hanen minya, u je ne ca he ka taben utbavat hnyi hnyimakök bala hwabö Joab.

II. Samuela 3:35

Ke ame o but tavat biâ ka kunö Davita ka han falawa e me tiga lany; ke Davita ame khemanyin, me ha, ka habe, Hamen Khong he ka ânyâ helâe könya me bi hanen minya, oge ne kâlâ falawa, ame ne ke jeû bi, e ka tiga ca dit bi seûnö.

II. Samuela 3:9

Hamen Khong he ka ânyâ helâe kö Abinera, me bi hanen minya, oge ne ca he bi nya ka ânyâ kö Davita helâ me Iehova ame khemanyin kâu;

I. Je Than 22:16

Ke haingen than kâu, ka habe, U me he ka ove khemanyâm könya a u me ca he ka ha könya ke hofuc ke hnathu thibi hnyi iö Iehova?

II. Je Than 6:31

Ke e ame ha, ka habe, Ame he Khong ka ânyâ helâe könya me bi hanen dö minya, ame ne e bala bö Elisaia nöku Safata hnyi bong ang.

Salamo 141:5

E so he ka kuc nya hnen at ae wisa hwakecin, wale a betenge; Ke thawo nya, wale helâke wakaco hobi kâu ban; E so ame ca he bok ka höcö: Anyin oge me he bala ka hic, ödra ka ûokonguny.

Jeremia 38:14

Me haba Zedekia than ame ûkhûnöng he ka hao Jeremia perofeta kâu, ka hnyi hwanuma a kuniny hnyi uma umö Iehova: ke haingen than kö Jeremia, ka habe, Oge me he ka hnei u ge ke hofuc; ca he ka ikhâlâ gak.

Jeremia 42:4

Ke Jeremia perofeta ame ha ködra, ka habe, Oge hia but ling öbun; wâ bi, oge me he ka hic kö Iehova Khongubun, hoton hnobun hna ha; ke haba ta je ûnyi hia ame he Iehova ka thu köbun, oge me he ka omanenâ köbun; oge me ca he ka ikhâlâ gabun ke ûnyi.

Daniela 4:19

Me ame hlohlo Daniela, Beletisaza ke ien, hnyi ong ûen, ke ame ohmâkâ e hnen je hna ûnykûme. Me ame ha than, ka habe, Beletisaza lö, ca he ka hmak ge bwi me bongon e. Ke haingö Beletisaza, ka habe, thân lö, e na ödrin ju tavat adre me hûkötiö u bwi e, ke e na ödra ju je iwahnaihmiony möu bongon e.

Mika 2:7

Lap anyi Jekob lö, hawa, adre me he ka ha, ka habe, Hawa, e sënyin dut hanu Iehova? hawa, e ame ânyâ je ûnyi ang? Hawa ame ca he hok hofuc ka osoâ at ame vheno wisa?

Numera 23:17

Me e ame o but, ke wâ bi, e ame tot hnyi anyin hut, ke tha e me je thaniny Moaba. Ke Balaka ame ha kâu, ka habe, Ieû a ha Iehova?

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Rutha 1:17

haba dok u me he ka mokcu hnyin me oge me he bi nya ka mokcu eling, mʼ adre me he ka konim nya hnyin: e so ame he Iehova ka ânyâ helâe kônya me bi hanen bi, ame ne he ke ûnyi ka ovesei otu, he so bi mok thibi.

I. Samuela 14:44

Ke haingö Saulo, ka habe, Ame he Khong ka ânyâ helâe me bi hanen ke e hnathu u me he ka mok, Jonathana.

I. Samuela 20:13

Ke so Iehova ame ânyâ helâe kö Jonathana, me bi hanen minya, ame ne so kö cica he ka okongu u, me oge ne ca omanenâ köu, me kunö u, me u me he ka he hnyi hnahic: ö e tha Iehova mou helâ me hnen hna tha e me cica e hac.

I. Samuela 25:22

E so Khong ame ânyâ helâe me bi hanen ka je iwahnaihmiony me Davita, oge me ne he ka bi kolon ke da a khaca hnyi ta je ûnyi hia thithö unyin e ka o thö lany hnyi hnyomakatu.

I. Samuela 3:16

Ke haba Eli ame hawo Samuela, me ha, ka habe, Samuela, nokuk. Haingen, ka habe, Inya ang.