I. Samuela 28:6 - Iaai Bible 1901 (New Caledonia)

⁶ Ke Saulo ame hnö ga Iehova, ke Iehova ame ca thu kâu, ca deny je bwi, ke ca deny Urim, ke ca deny je perofeta.

I. Samuela 28:6 ပူးပေါင်းရင်းမြစ်များ

II. Samuela 22:42

Adre me bwebwele, ke ba at he ka omelö; Kö Iehova, ke e ame ca thu kodra.

Salamo 74:9

Ate me ca wâ ta je hatöta: E ba hmetu bi perofeta; Ke ba at gata ame wâ ûen ame he ka bi obiny hnyin.

Esodo 28:20

ke haba dö a vakiny, me, berulo, me sadonuki, me jasepi; adre me he ka ve bi taben ta je ûnyi e hnyi gol.

Esodo 28:30

Ke u me he ka ip hnyi tubwiny ûlainy hna owisa Urim me Thumim; kʼ ame he ka hnen li ûnyi e hon oûnykûmi Arona e ka didrö ka hnyi hnymakö Iehova: ke Arona ame he ka hom hna owisa hobi kâu lakon Isaraela hon oûnykûminy bi hnyi hnyimakö Iehova bala.

Ta je Vejec 27:1

U ma ca hobâ ge bong nyi, Anyin ae ca khanö u ûnyi ame he ka o hnyi bong.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Je tenge anyi Jeremi 2:9

Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Levitiko 8:8

Ke e ame ovekinyâ e ge tubwiny ûlainy: ke e ame ip hnyi tubwiny ûlainy Urim me Thummim.

Mika 3:7

Ke ame he ka hmehma tavat wâ, me hlohlo tavat bi khong; eke, adre me he ka tube je esongodidra: anyin ae ba hofuc hwan Khong.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

Numera 27:21

Ke e ame he ka tot hnyi hnyimakö Eleazara at bihut, ke hamen he ka hnö hobi kâu hnyi hna owisa hnen Urim hnyi hnyimakö Iehova: ke adre me he ka he hoton hnen hna ha, kʼ adre me he ka hmetu hoton hnen hna ha, a e me lakon Isaraela hia a tha ödra mē, wale ûkhacaköu hia.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Ioane 9:31

E khanʼ ota but, a gʼ ame ca he Khong ka long tavat ae monu: ke a ne ke at ame outen Khong me mâdrâ weny, me e ame he bi ka long kâu.

Deuteronomi 33:8

Ke e ame ha ga Levi, ka habe, E bi unyin ânyâm at ae kap ânyâm Thumim me Urim, At eji u je cubic hnyi Masa, At u je ivinö mē hnyi an Meriba;

Iakobo 4:3

Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.

I. Samuela 14:37

Haba Saulo ame elâm unyin Khong, ka habe, Hawe, oge me he ka he ûcon at Filisiti? hawa, u me he ka hnʼ ödra ka hnyi hnyamen at Isaraela? Ke e ame ca thu kâu hnyi bong eling.

I. Samuela 28:15

Haba Samuela ame ha kö Saulo, ka habe, Anyin a ieû u je bwebweli nya, he ka oi nya? Haingö Saulo, ka habe, Iny hlohlo gan hmâ; anyin ame he at Filisiti ka vat mönya, ke hia but Khong unyik ke ame ca thu hmetu bi könya, a ca deny je perofeta, ke ca deny je bwi: wale me inye hawo u thö, me u me omanenâ könya ûnyi oge me he ka ânyâ.

I. Samuela 28:5

Ke a wâ but Saulo je utbavat anyin at Filisiti, me ame ot, kʼ ame öbubuny gan hmâ hnyekon.