I. Samuela 27:2 - Iaai Bible 1901 (New Caledonia)

² Haba Davita ame todrö, me he hanyâûâ me je aten a siks haded a tha e mê, kö Akisa, nöku Maoka, thaniny Gatha.

I. Samuela 27:2 ပူးပေါင်းရင်းမြစ်များ

I. Man Ûlabainy Je Than. 12:1

KE walang tavat adre me o kö Davita hnyi Zikelag, hnyi ûen e ame tiga lubaduöng ga Saulo nöku Kiso: ke ödrin o hanen je hnyat ae ti hwege, ödrin e hadruâ hnyi vat.

I. Samuela 21:10

Ke Davita ame tot me kec hnyi bong eling can hna outö Saulo, me he kö Akisa thaniny Gatha.

I. Samuela 21:11

Ke haba lathnyabai Akisa ödrin e ha kâu, ka habe, Hawa, ca Davita ang, tuhan hnyei? hawa, ödrin e ca sitwhanân hnyi je bibiâ, ka habe Saulo ame hia but kot haniny je thauzan, Ke Davita bi, haniny je ten thauzan?

I. Samuela 25:13

Me Davita ame ha ka lahien, ka habe, Ve hûkâlâ ju anyibun je hele vat. Me ödrin e ve hûkâlâ anyidrin je hele vat; ke Davita ame hûkâlâ minya anyin hele vat: ke ame he hotu Davita helâke foa haded tavat; ke lo biju li haded ame tuö ta je ûnyi.

I. Samuela 30:8

Ke Davita ame hnö ga Iehova, ka habe, Oge ne hnu hoton deö vat, hawa, oge me he ka hom tilödrin? Me ame ha kâu, ka habe, Hnu thö; me u me he ke khöu ödrin, me hûgûnâ hia hmetu.

I. Samuela 30:9

Me Davita ame he me tavat a siks haded a tha odrin mē; ke ödrin e o but hnyi wagewe Besor, wale a ûlubahing hnyin tavat adre laba biju.