I. Samuela 27:1 - Iaai Bible 1901 (New Caledonia)

¹ KE haingö Davita hnyi hnyekon, ka habe, Oge me he ka mok hnyi ke bong ge hnyamö Saulo: khaca thibi ûnyi ae so könya oge me he ka ie kec ka hnyi hnyei iny at Filisiti; me ame he ka hia hna gejon hnö Saulo he ka elöm nya hmetu hnyi je hnyigöulen Isaraela: me oge me he ka kec möt helâe ge hnyamen.

I. Samuela 27:1 ပူးပေါင်းရင်းမြစ်များ

I. Je Than 12:26

Ke haba Jeroboama ame ha hnyi hnyekon, ka habe, Ame he ka hmetu walang ang dökhu ka hnyi lap anyi Davita:

I. Je Than 12:28

Me than ame ûhnenamö, me ânyâ li nokon kau gol; ke e ame ha ködrin, ha habe, E hmak köbun he ka he Jerusalema ai; Isaraela lö, wâ ju ang li khongom, a li at ödre hum u ûnyi hnyi hnyei Aigupito.

I. Je Than 19:3

Ke e ame long e, me todrö, me ie kec anyin ae be möt bi, me e ame o hnyi Bere-seba hnyi hnyei Juda, me ip eling athnyabainy.

II. Man Ûlabainy Je Than. 25:17

Me haba Amazia than Juda ame ûsabö, me e ame ûkhûnöng kö Joasa nöku Jehoaza, nöku Jehu, than Isaraela, me ha, ka habe, Otu me he ka ûhnvimakötuköu.

Salamo 116:11

Oge me ha hnyi hnok hna uthmâhmâ, ka habe, E thoi tavat hia thithö.

Salamo 55:7

Wâ bi, oge me he ka ngenu sâkâû ai, Oge me he ka laba hnyi hnyebuba. [Sela.

Esodo 14:12

Hawa, ohmun e ca hia but ha köu hnyi Aigupito, ka habe, Hnʼ ohmun dut mʼ ohmun o he ka bi athnyabainy at Aigupito? Anyin ae so köhmun he ka bi athnyabainy at Aigupito, ke kong köhmun he ka mokcu eang hnyi hnyebuba.

Ta je Vejec 13:12

Haba geju adre bec ka ohwâdâ me ame omoko hnyok: Ke adre me ne ohwâdâ weny, me helâke ûöiny möt.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Numera 14:3

Ke ieû e ga Iehova a hum ohmun ka hnyi hnyei eang he ka mok ge hele vat? Adre me he ka hûgûnâ laöiöhmun me lakuhmun je wanakat: hawa e ca so kohmun he ka hmetu Aigupito ai?

Mataio 14:31

Me Iesu ame ie hinôbeny me kât e, me ha kâu, ka habe, At ame labageju ûhnyûkong lö, ieû gam u me hlohlo?

Mareko 4:40

Me e ame ha ködrin, ka habe, Ieû gabun öbun e ot? Hawa, e tiga ca hu gabun labageju?

II. Korinito 7:5

Anyin a waleji hnyi hnöhmun hna o but hnyi Makedonia, ame ca menâ bi je unyihmun, ke öhmun e vec hnyi ta je ke keihen hia; e hu vat hnyi hoton, ke ot eû hnyin.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:13

Ke haba Samuela ame hom faoiny wakaco, me hû e hnyi wanben je liamekeiny mē: me ame o hwege hanu Iehova hu Davita hwân hnyi bong eling. Me Samuela ame tot me he Rama ai.

I. Samuela 20:3

Me Davita ame khemanyin, me ha, ka habe, E khana wia kâmâm a u me betenge gak; me haingen, ka habe, E so Jonathana ame ca long e, wâ e nye vec ut: ke kia inya Iehova, ke kia inya u, a e okhaca biju okca me oge me he ka mok.

I. Samuela 22:5

Ke haba Gada perofeta ame ha kö Davita, ka habe, Ca laba bi hnyi hnabâ; he thö, me he ka hnyi hnyei Juda. Me Davita ame he me o hnyi hnyot hnyi Hareth.

I. Samuela 23:17

Me e ame ha kâu, ka habe, Ca ot anyin ame ca he cica Saulo ka ō u; ke u me he ka tuhan Isaraela, ke oge me he ka loiny hmelâm; ke haba hhaca, e khanö cica Saulo ling.

I. Samuela 25:30

Ke e ka hia but Iehova ânyâ ka tuhok, helâ me ta je ûnyi hia thithö ae so e ame ha gam, me otilö u hnân taben Isaraela;

I. Samuela 26:19

Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.

I. Samuela 29:2

Ke ame he je than anyin at Filisiti, a je ve deo haded me deo thauzan: ke Davita me je hnyat unyin ödrin e tha bilidrin bi me Akisa.

I. Samuela 29:3

Me haba je tuhan at Filisiti ödrin e ha, ka habe, Ie hnyat Heberu ang? Ke Akisa ame ha ka latuhan at Filisiti, ka habe, Hawa, e ca khanʼ öbun a Davita ang, athnyabai Saulo tuhan Isaraela, kʼ ame tha e mönya hnyi ta je bong ame ne je huna, ke ba ke ûnyi oge me wâ unyin, hwân hnyi bong eji e ame kec hnyin, ke ne o but hnyi bong ang?