I. Samuela 26:9 - Iaai Bible 1901 (New Caledonia)

⁹ Haingö Davita kö Abisai, ka habe, Ca he ka hlingâ e: anyin a ie at ae khana he ka inâ hnyamen ka hna hu hnö Iehova, ke ba ju hulö gan?

I. Samuela 26:9 ပူးပေါင်းရင်းမြစ်များ

II. Samuela 1:14

Ke Davita ame ha kâu, ka habe, Ieû gam a u ca ot he ka hinobenyom ka at Iehova ame hû?

II. Samuela 1:16

Ke Davita ame ha kau, ka habe, Ame he drâm ka mokut bi ka hnyi hon bâm; anyin a u je haiö u bi ge hnyimâm, ka habe, Oge me hia but hlingâ at Iehova ame hû.

II. Samuela 19:22

Ke haingö Davita, ka habe, Ieû könya gabun je laku Zeruia, mʼ öbun e he ka bi iwahnaihmiony mönya hnyi bong ang? hawa, adre me he ka hlingâ ke at hnyi Isaraela hnyi bong ang? hawa oge me ca wâ a iny than Isaraela hnyi bong ang?

Salamo 105:15

Haingen, ka habe, Ca he ka kâlâ hnok ta je hna hû, Ke ca okongo anyik ta je perofeta.

Salamo 17:4

Haba ta je huliwa anyin tavat, me, ûnyi ge ifuciny li esongodâm Oge hia but tuö nya mʼ inye ca he hnyi je gethen deny tavat ûkuc.

Salamo 57:1

KHONG lö, betenge ju gak, betenge ju gak; Anyin ame kic gam hanuk: Eke, oge me he ka ikhölö hnyi hmenon li labenyâm,

Salamo 7:4

Ke oge ne hia but bi hwaban kong ka at ae ûsoköu mönya; (Eke, oge hia but hna but at ae iwahnaihmiony mönya ke ba can:)

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 12:3

Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.

I. Samuela 26:8

Haba Abisai ame ha kö Davita, ka habe, A hia but Khong hna ka hnyi hnyamâm iwahnaihmiony mou hnyi bong ang: awe, ö iny he ka dâoâ e ka hnyi kânâ ge ö adre ma okhaca thibi dâ, ke ame ca he ka olo.