I. Samuela 26:25 - Iaai Bible 1901 (New Caledonia)

²⁵ Ke haba Saulo ame ha kö Davita, ka habe, E so u me hnahic ut, Davita nokuk u me he ka ânyâ ûnyi ae beönua, me he bala ka hwege. Ke Davita ame vheno deny gethen, ke Saulo ame hmetu ka hnyi hnyaban.

I. Samuela 26:25 ပူးပေါင်းရင်းမြစ်များ

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Ta je Vejec 26:25

E ka ha hofuc ae wisa, ca kap bi; Anyin a eû hnyi hnyekon je ûnyi ae ikiki a seven.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Hosea 12:4

eke, e ame ûjöng ka angela, me hwege bi: e ame tenge me khöû kâu: e ame wâ e hnyi Beth-ela, ke e ame ûhnenamö möhmun eling;

Roma 8:35

Ie at ame he ka öûsâkâû öta me ibetengiö anyin Keriso? hawa, vec, hlöuhlöu, hna sela, hmiâ, he thu, outen mok, hele vat?

Roma 8:37

Ohe, e tuta balua hon ta je ûnyi hia eling ûnyi ge at ame betenge gata.

I. Samuela 24:19

Anyin a ne ke at ame wâ iwahnaihmiony mē, hawa, e ame he ka hna soâ e? anyin a wale e so ame he Iehova ka bi hwaban köu ge so hwaban hnâm hna ânyâ könya hnyi bong ang.

I. Samuela 24:20

Ke walang ang, wâ bi, e khanö nya a u me he ka than, ke adre me he ka ohmâ dökhu Isaraela hnyi hnyamâm.

I. Samuela 24:22

Ke Davita ame khemanyin kö Saulo. Ke Saulo ame he ka hnyi hnyaban, ke haba Davita me lahien ödrin e ölö hmetu ka hnyi hnabâ.