I. Samuela 26:23 - Iaai Bible 1901 (New Caledonia)

²³ Ke ame he bi Iehova ka ve bi hwaban ka tavat anyidrin hwakecin ae wisa, me anyidrin hwakecin ae hnathu: anyin a haba Iehova ame hnö u eja ka hnyi hnyamok, ke oge me ca wek bi nya he ka inâ hnyamok ka at a hû Iehova.

I. Samuela 26:23 ပူးပေါင်းရင်းမြစ်များ

II. Samuela 22:21

Iehova ame hia but bi hwaban könya hoton hwakecik ae wisa: E ame bi hwaban könya hoton hâuen li hnyamok.

II. Samuela 22:25

Anyin a wale Iehova ame hia but bi hwaban könya, hoton hwakecik ae wisa; Hoton hwakecik ae wisa hnyi hnyimakan,

I. Je Than 8:32

awe, long ju u ethö hnyi drany, me ânyâ thö, me owisa ka lathnyabaem, me bi hwaban at ae kong, me ip hon ban hwakecin bi; me haiwisa at ae wisa he ka ham kâu hoton hwakecin ae wisa.

Nehemia 13:14

Khonguk lö, ûnykûmi nya ju hnyi ûnyi ang, ke ca he ka kot degecâ anyik je huliwa ae betenge waleji oge me ânyâ ka hnyi uma umen Khonguk, me je huliwainy.

Jobu 34:11

Anyin a e ame he ka bi hwaban huliwa anyin at, Me ve oâ ka tavat hoton hwakecidrin.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

I. Samuela 24:11

Ke haba khaca, wâ bi, cica lö, me wâ bi obiny ânyâm ûkhaû eang hnyi hnyamok: ke oge me subâ obiny ânyâm ûkhaû me ca hlingö u, anyin a wale khanö u thö me wâ a e ba ûnyi ae kong me hulö unyik, ke ca kong hwakecik köu, eja ke ne u je ne elâm melik he ka ohia.

I. Samuela 24:12

Hamö Iehova he ka owisa kötu, ke hamö Iehova he ka bi hwaban köu gak: ke so bi ame ca he hnyamok ka mokut hom.

I. Samuela 24:18

Ke u je omanenâ hnyi bong ang a u je ânyâ so könya: anyin a u je ca hlingö nya, hnyi ûen Khong ame hnö nya ka hnyi hnyamâm.

I. Samuela 24:19

Anyin a ne ke at ame wâ iwahnaihmiony mē, hawa, e ame he ka hna soâ e? anyin a wale e so ame he Iehova ka bi hwaban köu ge so hwaban hnâm hna ânyâ könya hnyi bong ang.

I. Samuela 26:11

Iehova ame thawo nya, me inye ca he ka inâ hnyamok ka at a hû Iehova: ke ö u hom dö ö hnyi hunen me kaia ae lup, me ötu me he.

I. Samuela 26:22

Me Davita ame thu, ka habe, Than lö, wâ bi ö! kunâ thö jem ke hidröu he ka hom.

I. Samuela 26:9

Haingö Davita kö Abisai, ka habe, Ca he ka hlingâ e: anyin a ie at ae khana he ka inâ hnyamen ka hna hu hnö Iehova, ke ba ju hulö gan?