I. Samuela 26:21 - Iaai Bible 1901 (New Caledonia)

²¹ Me haba Saulo ame ha, ka habe, E kong hwakecik: hmetu ju u, Davita nokuk: anyin oge me ca he hmetu ka okongu u bi, anyin a haba anyik möt me e ûnyi hnathu hnyi li emakâm hnyi bong ang: wâ bi, oge hia but ânyâ monu, me ti monu gan hmâ.

I. Samuela 26:21 ပူးပေါင်းရင်းမြစ်များ

II. Je Than 1:13

Ke e ame kunâ hmetu ke taben tavat a fifte, at a kuniny, a tha e me anyin fifte. Me ame ölö thö taben tavat a fifte a kuniny, me o me ciboucâ hnyi hnyimakö Elia, me ame khöû kâu, me ha kâu, ka habe, Aten Khong lö, ö u oûnyihnathoâ anyik möt, me möt minya anyin tavat a fifte eang a lathnyabaem.

II. Je Than 1:14

Wâ bi, ame gâ meic ûnyi hnyi drany me le degecâ lo li taben tavat a fifte a tha ödru me anyidru li ve fifte: ke haba walang ang e so e ûnyi hnathu anyik möt hnyi hnyimâkâm.

Salamo 116:15

E ûnyi hnathu kö Iehova Mok anyin anyin wakap.

Salamo 49:8

(Anyin a omjeû ae gan hmâ wale hnân bi hwaban je hanudra, Ke pason e nyiele balua:)

Salamo 72:14

E ame he ka omelo je hanudra ûnyi hnyi hwakecin ûsedö me hna okongoâ; Kʼ ame he ka ûnyi hnathu drödra hnyi hnyimakan:

Esodo 9:27

Ke haba Farao ame ûkhûnöng he ka hao Mose me Arona, me ha ködru, ka habe, Oge hia but monu hnyi ûen eang: e wisa Iehova, kʼ iny kong ut me lakeik.

Numera 22:34

Haba Balaama ame ha ka angela anyû Iehova, ka habe, E kong hwakecik, anyin a oge me ca wâ a u me tot eû hnyi gethen he ka ovheli nya: ke haba walang ang ame ne kong köu ûnyi ang me oge me he ka hmetu.

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

I. Samuela 13:13

Me Samuela ame ha kö Saulo, ka habe, E monu ûnyi u je ânyâ: u je ca tuö hnanyibu anyi Iehova Khongom, waleji e ame huna köu: ame we Iehova ka ohmâ dokhom dökhu hnyi Isaraela nyiele balua.

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.

I. Samuela 15:30

Ke e ame ha, ka habe, Oge hia but ânyâ hulö: ke so bi ö u ogânö nya walang ang hnyi hnyimakan wahingatiny lakeik, me hnyimakan at Isaraela, ke u me he ka tha hmetu mönya me inye he ka khudrung kö Iehova Khongom.

I. Samuela 18:30

Ke ame he but je thaniny at Filisiti: ke hwân hnyi ûen ödrin e he but, me Davita ame ânyâ metâ hon lathnyabai Saulo; me ame lung gan hmâ ien.

I. Samuela 24:17

Me e ame ha kö Davita, ka habe, U at ae wisa kʼ iny monu: anyin a u je bi hwaban könya ge so, ke oge me bi hwaban köu ge kong.

I. Samuela 26:22

Me Davita ame thu, ka habe, Than lö, wâ bi ö! kunâ thö jem ke hidröu he ka hom.

I. Samuela 26:24

Ke wâ bi, adre me oûnyihnathoâ ânyâm möt eja ûnyi gak, anyin a wale e so ame he Iehova ka oûnyihnathoâ anyik möt, me so e ame omeli nya ûnyi hnyi ta je vec hia thithö.

I. Samuela 27:4

Ke adre thumetu Saulo, ka habe, a kec ut Davita, Gatha ai, me e ame ca elâm hmetu.