I. Samuela 26:19 - Iaai Bible 1901 (New Caledonia)

¹⁹ Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.

I. Samuela 26:19 ပူးပေါင်းရင်းမြစ်များ

Genese 44:18

Me haba Juda ame hakekeny kâu, me ha, ka habe, Than lö, ö u hnö nya a athnyabaem he ka ha ong hofuc ka hnyi li hnyikönyen than, ke ca he ânyam hmönyin ka palulu ka athnyabaem: anyin a u ûcû me Farao.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

II. Samuela 14:16

Anyin ame he than ka long, me omelö athnyabainy ûnyi hnyi hnyamen at ame he ka tha ohiö nya me nökuk ûnyi hnyi jekhoû jekhon Khong.

II. Samuela 16:10

Ke haingen than, ka habe, Ieû könya gabun ta laku Zeruia? haba hnen hna ûhangö, me can ame ha kâu Iehova, ka habe, Hangö Davita thö; ke ie at ame he ka ha, ka habe, Ieû gam u me ânyâ e?

II. Samuela 16:11

Ke Davita ame ha kö Abisai, me lathnyabainy hia, ka habe, Wâ bi, e bekuc nya nökuk, at a o ûnyi hnyi hnyekuk; me hawa, ame ca he at Beniamina eang ka ânyâ helâe? hna but e, hamen he ka ûhangö thö, anyin a Iehova ame kunâ e.

II. Samuela 20:19

Inya hanen tavat adre behnahic me hnathu hnyi Isaraela: ke u je elâm he ka ohia taun a hinyen hnyi Isaraela: can ieû u me he ka utâ jekhoû Iehova?

II. Samuela 21:3

ke Davita ame ha ka at Gibeona, ka habe, Ieû oge me he ka ânyâ hobi köbun? ke oge me he ka bi hwaban ge ieû, me öbun e he ka hahnahicâ jekhoû Iehova?

II. Samuela 24:1

KE ame ubâhlâ hmetu thö hmonyin anyi Iehova kö Isaraela, ke e ame kunö Davita ködrin he ka ha, ka habe, He thö ka aû at Isaraela me Juda.

I. Je Than 22:22

Ke haba Iehova ame ha kâu, ka habe, U ma he ka kâmâu? Me haingen, ka habe, Oge me he ka he but, ke oge me he bi nya a hanu ae thoi hnyi hnyimen anyin ta je perofeta hia. Haingen, ka habe, U me he ka iyawâ, me u me he minya ka tom: he thö, me ânyâ helâe.

I. Man Ûlabainy Je Than. 21:1

HABA Satana ame todrö ka at Isaraela, me cubic Davita he ka aû at Isaraela.

Salamo 120:5

E köiö gak anyin a inya oge me laba kanyua hnyi Meseka, Ke unyin je uma mano hnyi Kedara!

Salamo 20:4

Me ham köu weny hnyekom, Me ohwâdâ ânyâm je ûhnenamö hia.

Ta je Vejec 30:10

Ca hai thoiâ athnyaba ka tuhan, Wâ e nye hangö u hnen e, ke adre me haikongu u.

Isaia 60:5

Me u me he ka wâ me senyin, ke ame he hnyekom ka öbubuny me hlau; anyin adre me he ka wia köu tang omjeû ûnyi hnyi köiö, ke adre me he ka hom köu tang omjeûiny je hnyei.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Numera 36:7

Me helâe adre me ca he ka ûhomköuâ je iny lakon Isaraela ûnyi hnyi ke tribu ka hnyi ke tribu; anyin ame he lakon Isaraela ka ve kece hmâ ka hnyi je iny je tribu anyin lakamödrin.

Numera 36:9

Ke ca he bi ka ûhomköuâ je hnyei ûnyi hnyi ke tribu ka hnyi ke tribu; anyin ame he je tribuiny lakon Isaraela ka ve kece hmâ ka hnyi je idra.

Roma 14:15

Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu.

Galatia 5:12

Haba wek, me me he tavat adre me ovheli öbun ka hamödra subâ degeci ödra bi.

Deuteronomi 13:3

awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

II. Timoteo 4:14

E gan monu ame ânyâ könya Alesanedro, at ame leû fao kapa: kʼ ame he Than ka bi hwaban kâu e ûcû me anyin huliwa:

I. Samuela 18:10

Ke nyi ame o but kö Saulo hanu ae kong ûnyi ge Kkong, ke e ame perofeta hnyi wanben umen uma: ke Davita ame kokot ge hnyamen helâ me ta je bong: ke e hnyi hnyamö Saulo ö.

I. Samuela 24:9

Ke Davita ame ha kö Saulo, ka habe, anyin a ieû u me löng ta je hofuc hwan tavat, ka habe, Wâ bi, Davita ame elâm he ka okongu u?

I. Samuela 25:24

Me e ame ta ju hnyi li can, me ha, ka habe, Tuhok, e so e ta huk hulö: ö u me hna athnyabaem he ka fuc hnyi hnyikönyâm ke long ju hofuc hwan athnyabaem.

I. Samuela 27:1

KE haingö Davita hnyi hnyekon, ka habe, Oge me he ka mok hnyi ke bong ge hnyamö Saulo: khaca thibi ûnyi ae so könya oge me he ka ie kec ka hnyi hnyei iny at Filisiti; me ame he ka hia hna gejon hnö Saulo he ka elöm nya hmetu hnyi je hnyigöulen Isaraela: me oge me he ka kec möt helâe ge hnyamen.