I. Samuela 26:10 - Iaai Bible 1901 (New Caledonia)

¹⁰ Ke haingö Davita, ka habe, Kia inya Iehova, ke hamö Iehova ne ka kot e; ame ne he ka o ûen ame he ka mokcu hnyin; ke ame ne he ka mekiny vat.

I. Samuela 26:10 ပူးပေါင်းရင်းမြစ်များ

Genese 47:29

Ke hakekeny jut ûen ame he Isaraela ka mok; ke e ame baö Josefa e nokon, me hûna kâu, ka habe, U je ne betenge gak, ö u inâ ju hnyamâm hmelen jevak, me ânyâ ûnyi ae so me hnathu könya; u na ca he ju ka könim nya eang Aigupito:

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Jobu 14:5

Anyin adre hia but omuâ anyin je bong, e unyâm ûseiny je tehiny, Me u je hia but bi hnyigöulen e, me e ame ca he ka hanyâûâ;

Jobu 7:1

HAWA, e ca hamen at he ka vat eang hmeledrany? Ke, ca ûcû anyin ta je bong me je bong bongon at ame hok hwaban?

Salamo 37:10

Anyin a meokhaca, me ame he ka hia but at ae kong: Eke, u me he ka ti wâ wia hnen, ka hia but e.

Salamo 37:13

Ame he Than ka hlumâ e: Anyin a e ame wâ ae hakekeny jut bongon bong.

Salamo 94:23

Ke e ame hia but bi hwaban kodra bi hwakecidra aa monu, Ke e ame he ka subâ degeci ödra hnyi anyidra monu bi; Kʼ ame he Iehova a Khonguta ka ohiʼ ödra.

At Khet 3:2

e hu ûen hna hnöku ota, me ûen mok; ûen he ka tā, me ûen oc hmetu hna tā;

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Deuteronomi 31:14

Ke Iehova ame ha kö Mose, ka habe, Wâ bi, e hakekeny jut bong u me he ka mok hnyin: hawo Josua, mʼ öbu me he ka tha tot hnyi uma hnân ûkhacaköu, me oge me he ka hûna kâu. Me haba Mose me Josua, me, ödru me tha he me tot hnyi uma hnân ûkhacaköu.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

Heberu 10:30

Anyin ae khanʼ öta but at ame ha, ka habe, Hamök he ka bi hwaban, ke oge me he ka oûco. Ke wale hmetu ang, Ame he Than ka hnö lakeiny.

Heberu 9:27

Adre me ip ka tavat he ka okhaca mok, ke hwaban e ûhnei;

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.

I. Samuela 24:12

Hamö Iehova he ka owisa kötu, ke hamö Iehova he ka bi hwaban köu gak: ke so bi ame ca he hnyamok ka mokut hom.

I. Samuela 24:15

Ke hamö Iehova he ka ûhnö me owisa kötu, me wâ, me ivinö hobi könya, me hnö nya ûnyi hnyi hnyamâm.

I. Samuela 25:26

Ke walang ang tuhok, kia inya Iehova, me kia inya u, anyin a Iehova ame thawo u, me u me ca he ka hingâlâ monoâ dra, me bi hwaban hobi köu ge hing hnyamâm, ke walang e so e helâ Nabala je iwahnaihmiöny mou, me tavat ödrin e elâm ûnyi ae kong hobi kâu tuhok.

I. Samuela 25:38

Ke hwaban dö e, helâ me ten ta bong, haba Iehova ame kuc Nabala, me me mokcu.

I. Samuela 25:39

Ke a long ut Davita a ga mokcu Nabala, me e ame ha, ka habe, Ole kö Iehova at ame ivinoâ hna ohmehmö nya ga Nabala me thawâ athnyabainy ge hulö: ke Iehova ame hia but ohmetoâ hulö anyi Nabala ka i hnyi hon ban bi. Ke Davita ame ûkhûnöng he ka ûhnenamö me Abigaila he ka hom me âiân.

I. Samuela 31:4

Me Saulo ame ba ka at ame hom tilâ anyin ta je ûnyi vat, ka habe, Oc ut ânyâm hele vat me dâoi nya kâu; wâ e nye o but tavat adre ca peritomonâ me dâoi nya, me okongu nya. Ke ame höcö at ame hom tilâ anyin je ûnyi vat; anyin ae gan hmâ anyin ot. Me haba Saulo ame hom hele vat me hamen ta takoû e.

I. Samuela 31:6

Me a tha mokcu Saulo me ta lakon a kun, me at ame hom tilâ je omjehen vat, me aten hia thithö hnyi bong eling.