I. Samuela 25:13 - Iaai Bible 1901 (New Caledonia)

¹³ Me Davita ame ha ka lahien, ka habe, Ve hûkâlâ ju anyibun je hele vat. Me ödrin e ve hûkâlâ anyidrin je hele vat; ke Davita ame hûkâlâ minya anyin hele vat: ke ame he hotu Davita helâke foa haded tavat; ke lo biju li haded ame tuö ta je ûnyi.

I. Samuela 25:13 ပူးပေါင်းရင်းမြစ်များ

I. Samuela 23:13

Me ame todrö Davita me lahien, ame ne siks haded ödrin, me didrut ûheny Keila, me he hnyi je gethen ae khanʼ ödrin he ka he hnyin. Ke adre me thumetu Saulo a gʼ ame kec ut Davita ûheny Keila; me e ame digic he.

Ta je Vejec 25:8

Ca ie he logot he ka ivino Wâ e nye ca khanö u ûnyi he ka ânyâ hnyi obiny, E ka hia but ohmehmö u hnen at ame laba hakekenyi u.

Ta je Vejec 19:11

Haba hna wâ wia hnen at, me ame obecâ anyin hmonyin; Ke hnân ohmanenangâ e, he ka onuâ hna hanyâûâ,

Ta je Vejec 19:2

E ca so he ka ba wâhmakhmeto ge at; Ke ame he ka monu at ame he logot ge li can.

Ta je Vejec 14:29

Haba at ae bec he ka hmonyin, me gan hmâ wâhmakhmeto: Ke haba at ame ie hmonyin, me ame ogânâ hwen monu.

Josua 9:14

Me ame kop ödrin hnen tavat ge je kamejidrin, ke ödrin e ca hnö unyi Iehova.

Ta je Vejec 16:32

E nua at ame bec he ka hmonyin, hon at ae hwege; Ke nua at ame muso hnyekon hon at ame hûgûnâ taun.

I. Samuela 22:2

Ke ame ûkhacaköu unyin tavat hia ae hu hmak, me tavat hok gufa hia, me tavat hia ae hiny hnyekudrin; ke e bi taben ködrin: ke e unyin helâ me foa haded tavat.

I. Samuela 25:12

Me ame hwio wahidröu anyi Davita, me hmetu, me o, me thumeto e ge je hofuc eling.

I. Samuela 27:2

Haba Davita ame todrö, me he hanyâûâ me je aten a siks haded a tha e mê, kö Akisa, nöku Maoka, thaniny Gatha.

II. Samuela 15:18

Ke ame tha he ehele lathnyaba hia unyin; me at Kerethi me Pelethi, me Gatha hia, tavat a siks haded hnyat he hoton ûheny Gatha, ödrin e bodrin hnyi hnyimakan than.

Ta je Vejec 20:22

Ca ha, ka habe, Oge me he ka bi hwaban monu: Halubahing Iehova ju, ke e ame he ka omeli u.