I. Samuela 24:16 - Iaai Bible 1901 (New Caledonia)

¹⁶ Ke a hia but Davita ha ta je hofuc eling kö Saulo, me haba Saulo ame ha, ka habe, Hawa ifucâm e Davita, nokuk? Me Saulo ame tenge goranyai.

I. Samuela 24:16 ပူးပေါင်းရင်းမြစ်များ

Genese 16:5

Ke haingö Sarai kö Aberama, ka habe, Ûnyi gam hna okongu nya: oge ham köu anyik hlu, ke a löng ut a ga erkin dut, me e ame hûkötiö nya: bamö Iehova he ka owisa kötu.

Genese 2:2

Ke haba hnyi bong a seveniny Khong ame oumo anyin ta je huliwa waleji e ame ânyâ.

Genese 33:4

Ke Esau ame wadring me iouny më, me delûâ e, me ta hon nyin, me ûcimhnyimak më: kʼ ödru me ûtengiö.

I. Man Ûlabainy Je Than. 12:18

Me haba hanu ame o kö Amasai wale taben thote, haingen, ka habe, Davita lö, ohmun je atâm, me je lahiâm, nöku Jese lö: ûsoköu, ûsoköu köu, me ûsoköu ka tavat adre me hadruo u, anyin a Khongom ame hadruo u. Haba Davita ame kop ödrin me otilʼ ödrin hnân je taben vat.

Jobu 6:25

Shaiba ge maniny hofuc ae wisa! Ke ieû troban fuc a öbun?

Salamo 119:154

Ivino thö hobi könya, me bi hwaban anyik möt: Omeli nya thö hoton hwâm hofuc.

Ta je Vejec 15:1

ADRE me thu menyikâ, me adre me obâ hmönyin Ke hofuc ae vec ame okûâ hmonyin.

Ta je Vejec 25:11

Je ohköiö gol hnyi je tang sileva Hofuc adre me ha hnyi ûen ae ûcû.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Ta je huliwa 6:10

Ke ca khanʼ ödra thu hmetu anyin metâ me Hanu at ame ofucâ e.

Owisa 11:27

Anyin a wale oge me ca okongu u, ke u me ânyâ könya ûnyi ae kong he ka vat mönya: hamö Iehova, At Owisa, he ka owisa ka lakon Isaraela me laku Amona hnyi bong eang.

I. Samuela 26:17

Me haba Saulo ame lönghmakhmeto ifuci Davita, me e ame ha, ka habe, Hwâm e, nokuk Davita? Me haingö Davita, ka habe, Hok ang than lö a tuhok.

I. Samuela 26:24

Ke wâ bi, adre me oûnyihnathoâ ânyâm möt eja ûnyi gak, anyin a wale e so ame he Iehova ka oûnyihnathoâ anyik möt, me so e ame omeli nya ûnyi hnyi ta je vec hia thithö.