I. Samuela 24:15 - Iaai Bible 1901 (New Caledonia)

¹⁵ Ke hamö Iehova he ka ûhnö me owisa kötu, me wâ, me ivinö hobi könya, me hnö nya ûnyi hnyi hnyamâm.

I. Samuela 24:15 ပူးပေါင်းရင်းမြစ်များ

II. Man Ûlabainy Je Than. 24:22

Haba Joasa than ame ca ûnykûme ibetengiö anyi Jehoiada a kamen, kʼ ame hlingâ nokon bi. Ke ame tiga he but ka mokcu, me haingen, ka habe, E na wâ ju Iehova me bi hwaban.

Salamo 119:154

Ivino thö hobi könya, me bi hwaban anyik möt: Omeli nya thö hoton hwâm hofuc.

Salamo 35:1

IEHOVA lö, u ma he ka ivino me tavat adre me ivino mönya: Vat dö me tavat adre me vat mönya.

Salamo 43:1

KHONGUK lö, owiso nya, ke ivino ju hobi könya ka hnyei ame ca ot: Ö u omeli nya thö ûnyi ge at iyawö me at ae ca wisa.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Owisa 11:27

Anyin a wale oge me ca okongu u, ke u me ânyâ könya ûnyi ae kong he ka vat mönya: hamö Iehova, At Owisa, he ka owisa ka lakon Isaraela me laku Amona hnyi bong eang.

I. Samuela 17:43

Ke ame ha kö Davita at Filisiti, ka habe, Iny kuli, me u me o könya me je uci? Me haba at Filisiti ame hangö Davita ge je khongon.

I. Samuela 24:12

Hamö Iehova he ka owisa kötu, ke hamö Iehova he ka bi hwaban köu gak: ke so bi ame ca he hnyamok ka mokut hom.

I. Samuela 25:39

Ke a long ut Davita a ga mokcu Nabala, me e ame ha, ka habe, Ole kö Iehova at ame ivinoâ hna ohmehmö nya ga Nabala me thawâ athnyabainy ge hulö: ke Iehova ame hia but ohmetoâ hulö anyi Nabala ka i hnyi hon ban bi. Ke Davita ame ûkhûnöng he ka ûhnenamö me Abigaila he ka hom me âiân.

I. Samuela 26:20

Ke walang ang ca he ka hingâlâ drök ka hnyi kânâ hnyi hnyimakö Iehova: anyin ame he jem tuhan Isaraela he ka elâm outo ame fifica, helâ me hwakecin hnu meno ame gâ hon bucen.

I. Samuela 26:4

Haba Davita ame kunâ je hnyat ecmak, me me khana ae hnathu a ga o but Saulo.