I. Samuela 23:3 - Iaai Bible 1901 (New Caledonia)

³ Ke haba je atö Davita ödrin e ha kâu, ka habe, Wâ bi, ötin ka ot eang Juda: hawa, ame ca he ka ti gan hnötin hna ot ötin ka he Keila ai ka je utbavat anyin at Filisiti?

I. Samuela 23:3 ပူးပေါင်းရင်းမြစ်များ

Salamo 11:1

INYA oge me labageju kö Iehova: Anyin a ieû öbun e ha ka hanuk, ka habe, Kec dö helâ me meno ame gâ ka hnyi anyibun bucen?

Jeremia 12:5

U je ne hia but tha wadring me tavat adre me he hon kânâ, ke u sënyin dut unyidra, u me he ka kâmâu ka ûö wadring me ta je hors? ke u je ne laba khötkic hnyi hnyeiny ûsoköu, ieû u me he ka ânyâ hnyi hmanenanginy Joridano?

I. Samuela 23:15

Me a wâ but Davita a gʼ ame he but Saulo he ka elâm anyin möt: ke e bi Davita hnyi hnyebuba Zif hnyi hnyot.

I. Samuela 23:2

Anyin a wale Davita ame hnö ga Iehova, me ha, ka habe, Hawa, oge me he ka he me kot at Filisiti eling? Haba Iehova ame thu kö Davita, ka habe, He thö ka kot at Filisiti, me omelö Keila.

I. Samuela 23:23

Anyin a wale wâ eâu, me khana wia je dok hia wale e ame lubaduöng hnyin, ke hmetu thö könya me hnathu, ke oge me he ka tha he möbun: ke wâ bi, ame ne e bi hnyi hnyei oge me he ka elâm e wanben je thauzan anyin at Juda hia thithö.

I. Samuela 23:26

Ke Saulo ame he hnyi ke keihen e jem bucen, ke Davita me lahien hnyi ke ke keihen: ke Davita ame logot he ka kec kʼ ame outö Saulo; anyin a Saulo me lahien ödrin e igigili Davita me lahien he ka kot ödrin.

I. Samuela 23:4

Ke Davita ame hnö hmetu unyi Iehova. Ke Iehova ame thu kâu, me ha, ka habe, Todrö, he thö Keila ai; anyin oge me he ka hna at Filisiti ka hnyi hnyamâm.