I. Samuela 23:21 - Iaai Bible 1901 (New Caledonia)

²¹ Me haba Saulo ame ha, ka habe, E so öbun e hnahic ûnyi ga Iehova; anyin a öbun e betenge gak.

I. Samuela 23:21 ပူးပေါင်းရင်းမြစ်များ

Genese 20:13

ke haba hnyi ûen Khong ame ohei nya ûnyi hnyi hyaba cica, me oge me ha kâu, ka habe, Walang ânyâm ibetengiö u me he ka ânyâ könya, a haba hnyi ta je hnyei ötu me he ka o hnyin, u me he ka haiö nya, ka habe, Hanik ang.

II. Samuela 2:5

Haba Davita ame ûkhû-nöng ka at Jabesi-gileada, me ha ködrin, ka habe, E so öbun e hnahic ut ga Iehova anyin öbun e omanenâ ibetengiö e ka tuhöbun a Saulo, me konâm e.

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Owisa 17:2

Ke e ame ha ka hinyen, ka habe, Haba je sileva a eleven haded adre hom unyâm, wale u je û-hangö gan, me fuc gan hnyi li hnyekönyök, wâ bi, e unyik; oge hom. Me ame ha hinyen, ka habe, E hnahic ut nokuk ûnyi; ga Iehova.

I. Samuela 15:13

Ke ame o but Samuela kö Saulo: ke Saulo ame ha kâu, ka habe, E so u hnahic ga Iehova: ke oge hia but ânyâ ûnyi a hûna ga Iehova.

I. Samuela 22:8

mʼ Öbun e ûsabö hnok, ke ba at ame thumetu nya a gʼ ame ûhihinyköu nokuk me noku Jese, ke ba at gabun ama betenge gak me omanenâ könya a gʼ ame huliwan athnyabaik hnen nokuk he ka bi hnök helâ me hnyi bong ang?

I. Samuela 23:22

Ö öbun he thö, ka me okhaca tuö, me wâhmakhmeto thö hnen hna lubaduöng hnyin, ke ia a wâ eling: anyin adre ha könya, ka habe, e ame ti metâ.