I. Samuela 23:17 - Iaai Bible 1901 (New Caledonia)

¹⁷ Me e ame ha kâu, ka habe, Ca ot anyin ame ca he cica Saulo ka ō u; ke u me he ka tuhan Isaraela, ke oge me he ka loiny hmelâm; ke haba hhaca, e khanö cica Saulo ling.

I. Samuela 23:17 ပူးပေါင်းရင်းမြစ်များ

Salamo 118:6

Hiök Iehova: oge me ca he bi nya ka ot: Ieû ke ûnyi ame he at ka ânyâ könya?

Ta je Vejec 14:26

E hnyi ot kö Iehova labageju ae hwege: Kʼ ame he lakon ka hu dok hnân luba-duöng hnyin.

Ta je Vejec 19:21

E se hia ûnykûme eû hnyi hnyekon at; Ke ame he ka tethmâ musi anyi Iehova,

Isaia 35:3

Ohwegiâ je hnyam ame him, ke ohwegiâ je bouca ae mat.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Ta je huliwa 28:16

Ke öhmun e o but hnyi Roma, adre me hnö Paulo he ka hake laba, ke hu soja ame tuö.

Ta je huliwa 5:39

ke a ne ûnyi e ge Khong, e ca khanʼ öbun he ka ohia; wâ adre nye ö ʼbun, öbun e vat me Khong.

Roma 15:24

iny ka he Sepania ai (anyin oge me ûnykûme he ka iouny möbun hnyi ûhek, ke öbun e he ka su nya, ama bâu ka sekuk hnyi iouny a öta)

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

I. Samuela 20:31

Ke hnyi ta je ûen hia thithö e ka tiga möt bala bi eang hmeledrany nöku Jese, u me ca he ka tethmâ me dokhom dökhu. Ke ûkhûnöng dö walang ang me hom e könya, anyin e hnathu e ame he ka mok.

I. Samuela 22:23

Tha laba ju mönya, ca ot bi; anyin a haba at ama elâm he ka hlingö u, e ame elâm he ka hlingö nya: anyin a u me he ka laba so unyik.

I. Samuela 24:19

Anyin a ne ke at ame wâ iwahnaihmiony mē, hawa, e ame he ka hna soâ e? anyin a wale e so ame he Iehova ka bi hwaban köu ge so hwaban hnâm hna ânyâ könya hnyi bong ang.

I. Samuela 24:20

Ke walang ang, wâ bi, e khanö nya a u me he ka than, ke adre me he ka ohmâ dökhu Isaraela hnyi hnyamâm.

I. Samuela 24:21

Ke walang ang, khemanyin dö könya ga Iehova a u me ca he ka subâ degecâ je mâtrânik hwabök, me ca he ka ohia iök ûnyi hnyi lap anyi cica.

I. Samuela 24:4

Ke haba je atö Davita ödrin e ha kâu, ka habe, Wâ bi, bong a ha Iehova köu, ka habe, Wâ bi, oge me he ka hna je iwahnaihmiony mou ka hnyi hnyamâm, ke u me he ka ânyâ kâu ûnyi ae so köu. Ke Davita ame todrö me subâ bigö but obiny ûkhaû Saulo.

I. Samuela 25:30

Ke e ka hia but Iehova ânyâ ka tuhok, helâ me ta je ûnyi hia thithö ae so e ame ha gam, me otilö u hnân taben Isaraela;