I. Samuela 22:8 - Iaai Bible 1901 (New Caledonia)

⁸ mʼ Öbun e ûsabö hnok, ke ba at ame thumetu nya a gʼ ame ûhihinyköu nokuk me noku Jese, ke ba at gabun ama betenge gak me omanenâ könya a gʼ ame huliwan athnyabaik hnen nokuk he ka bi hnök helâ me hnyi bong ang?

I. Samuela 22:8 ပူးပေါင်းရင်းမြစ်များ

II. Je Than 6:11

Ke ame kong dö hnyekon than Suria can hofuceling; me e ame hawâ lathnyabainy me ha ködrin, ka habe, Hawa, öbun e ca he ka, thumetu nya a ie at gatin ame tha hien me than Isaraela?

Jobu 33:16

Hnyi ûen eling e ame olöngâ je hnyikonyen tavat, Me okeceâ hmâ hna ûne ködrin.

I. Samuela 18:1

KE haba hnyi ûen e ame umo fuc kö Saulo, me haba hnyeku Jonathana ame hwege hnyok kö Davita, ka ame betenge kâu Jonathana helâ me e ame ka hnyokâ hing hanon bi.

I. Samuela 18:3

Me haba Jonathana me Davita ödru me ûhi-hinyköu, anyin a e ame betenge gan helâ me e ame betenge kâu bi.

I. Samuela 20:2

Me haingen, ka habe, E so adre me thawâ: mʼ u me ca he ka mok: wâ bi, ama ca ânyâ ke ûnyi cica, ame ne gan ame ne ûhnyûkong, ke ame bân ka omanenâ könya: ke hnân ieû ame he cica ka ikhâlâ gak ûnyi eling? ame ca hnathu bi.

I. Samuela 20:42

Ke Jonathana ame ha kö Davita, ka habe, He thö me hnahic, anyin öte hia but khemanyin hnyi iö Iehova, ka habe, Ame he ka e wanbötu Iehova, me mâtrânitu nyiele balua. Me e ame tot me he: ke Jonathana ame hmetu ka hnyi taun.

I. Samuela 20:8

Anyin a wale e so u me ânyâ betenge ka athnyabaem; anyin a u je hia but hum nya athnyabaem ka hnyi ûhihinyköu anyi Iehova: ke ame ne e unyik hulö, hamâm he ka hlingö nya; anyin a hnân eû he ka hum nya ka kâmâm?

I. Samuela 22:13

Ke haingö Saulo kâu, ka habe, Can ieû obe ûsabö hnök, a u me nöku Jese, waleji hnyi hnâm hna han, me ham kâu hele vat, me elâm unyin Khong hobi kâu, me me tot könya, me ip hnök helâ me hnyi bong ang?

I. Samuela 23:21

Me haba Saulo ame ha, ka habe, E so öbun e hnahic ûnyi ga Iehova; anyin a öbun e betenge gak.