I. Samuela 22:19 - Iaai Bible 1901 (New Caledonia)

¹⁹ Ke e ame kot Nob taun anyin tavat bihut ge hele vat, obaga me omomo, je wanakat me mendreng, me je bolok, me asina me mamoe, ge hele vat.

I. Samuela 22:19 ပူးပေါင်းရင်းမြစ်များ

Nehemia 11:32

me hnyi Anathoth, me Nob, me Anania;

Isaia 10:32

Hnyi bong ang e ame he ka laba hnyi Nob: kʼ ame jijingâ hnyamen ka bucen anyin hlu Ziona, a hutiny Jerusalema.

Hosea 10:14

Anyin a wale ame he ka o imonumonuny unyin em hnyei, kʼ adre me he ka ohia hnâm je hnabâ hia, helâ me hnö Salemana hna ohia Beth-arebela hnyi ûen vat: waleji adre me sa je wanakat me lahinyödrin.

Mataio 21:16

me ha kâu, ka habe, Hawa, u je long hnödrin hna ha? Haingö Iesu ame ha kodra, ka habe, Eke: öbun e ca munyi aû, ka habe, Ûnyi hnyi hnyimen ta je wanakat me ta je mendreng u je obekhötâ bi hna haisoâ.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Josua 6:17

Kʼ adre me he ka ke ip taun, me ta je ûnyi hia eû hnyin hobi kö Iehova: ke Rahaba thiju momo hnyi gethen a gʼ ame he ka möt, e me hnyat hia thithö unyin hnyi uma, anyin a e ame ikhâlâ li metâ otin e kunâ.

Josua 6:21

Me ödrin e ti ohia ta je ûnyi hia hnyi taun, je baga me momo, me wanakat, me hingat, me bolok, me mamoe, me asina, ge hele vat.

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.

I. Samuela 15:8

Ke e ame hom meli Agaga thaniny at Amaleka, ke adre me tha ohia tavat hia ge hele vat.

I. Samuela 15:9

Ke Saulo me tavat ödrin e omeli Agaga, me je mamoe ae so, me bolok, me je meno ae pipikenya, me je nokon mamoe, me ta je ûnyi hia ae so, ke ca wedrin he ka tha ohia ta je ûnyi e: ke haba ta je ûnyi hia ae kong me ûnyi baû adre me tha ohia.

I. Samuela 21:1

ME ame o but Davita hnyi Nob kö Ahimelek at bihut: ke Abimelek ame he he ka ûkhanö me Davita hnyi öbubuny, me ha kâu ka habe, Ieû ang a hake u thibi, ke ba at a tha he mou?

I. Samuela 22:11

Me haba than ame ûkhûnöng he ka hum Ahimelek at bihut a nöku Ahituba, me lap hia anyin kamen, a tavat bihut hnyi Nob: me ödrin e o hia thithö ka than.

I. Samuela 22:9

Me ame thu Doega at Edoma, kʼame tot unyin lathnyabai Saulo, me ha, ka habe, Oge wâ nöku Jese ame he nnyi hnyei Nob kö Ahimelek nöku Ahituba.