I. Samuela 22:16 - Iaai Bible 1901 (New Caledonia)

¹⁶ Ke haingen than, ka habe, Ahimelek, u me he ka mok, u me lap hia anyin kâmâm.

I. Samuela 22:16 ပူးပေါင်းရင်းမြစ်များ

I. Je Than 18:4

ke haba hnyi ûen Jezebela ame subâ degecâ je perofeta anyi Iehova, haba Obadia ame hom je perofeta a wan haded, me ikhölʼ ödrin ûsa fifte hnyi li op, me haödrin me habeledrin.)

I. Je Than 19:2

Me haba Jezebela ame kunâ ûthumetu kö Elia, me ha, ka habe, Ame be je khong ka ânyâ helâe könya me bi hanen minya, oge ne ca ânyâ ânyâm möt me me tha ûcû me möt anyin ke at gadrin, ame ne bong nyi hnyi awa eang.

Esetera 3:6

Ke ame höcö he ka hake hlingö Modikai; anyin adre hia but omanenâ kâu hnyei i Modikai: anyin a wale Hamana ame heleû deny he ka ohia at Juda hia thithö a ödrin hnyi je ke keihen hia dokhu dokhu Asueru, wale hnyei i Modikai.

Ta je Vejec 28:15

Haba at ae kong ame muso tavat ae theduoc, Me liona ame kuku, ke bea ame he monu.

Daniela 2:12

Anyin a wale than ame hmonyin me wathethot gan hmâ, me ûkhûnöng he ka ohia tavat hia ae metâ hnyi Babulona.

Daniela 2:5

Ke haba than ame thu me ha ka at Kaledaia, ka habe, E hia but gak ûnyi: ke öbun e ne ca he bi ka omanenâ könya bwi, ke bongon e, me adre me he ka subâ omomonu öbun, mʼ adre me he ka wia umöbun je uma me hnân digic thatûnyi.

Mataio 2:16

A wâ but Heroda a je magoi ödrin e iyawâ e, me e ame hmonyin gan hmâ, me ûkhûnöng he ka hlingâ ta je wanakat hia thithö hnyi Betheleema, ke hnyi je hnyigoulen e, hwân ge tavat a lo hunaidra ke ne o but ka ta je mendreng, hoton ûen e ame hia but hnö wia hnyin ta je magoi.

Ta je huliwa 12:19

Ke a hia but Heroda elâm e, ke ame ca wâ bi, me e ame hnö tavat tue, me hûna he ka hlingʼ ödrin. Me e ame he Kaisaria ai ûheny Juda ka laba eling.

Deuteronomi 24:16

Adre me ca he ka hlingâ je kamen can je nokon, kʼ adre me ca he ka hlingâ je nokon can je kamen: kʼ adre me he ka ve hlingâ at can anyin hulö bi.

I. Samuela 14:44

Ke haingö Saulo, ka habe, Ame he Khong ka ânyâ helâe me bi hanen ke e hnathu u me he ka mok, Jonathana.

I. Samuela 20:31

Ke hnyi ta je ûen hia thithö e ka tiga möt bala bi eang hmeledrany nöku Jese, u me ca he ka tethmâ me dokhom dökhu. Ke ûkhûnöng dö walang ang me hom e könya, anyin e hnathu e ame he ka mok.

I. Samuela 22:15

Hawa, oge me ibi hwân hnyi bong ang he ka elâm unyin Khong hobi kâu? Ohe, ca helâe: ca he than ka ûnykûmi nya a athnyabaem me lap biâ anyi cica: anyin ae ca khana athnyabaem ke ûnyi eling, ame ne ûhnyûkong, ame ne gan.

I. Samuela 22:17

Me ame ha than ka tavat adre me labö tot unyin, ka habe, Hwio thʼ öbun, me hlingâ hnyat bihut kö Iehova; anyin ödrin e tha hien me Davita, ke e khanʼ ödrin a e ame kec, me ödrin e ca omanenâ könya. Ke lathnyabainy than ödrin höcö he ka inâ je hnyamödrin he ka kot hnyat bihut kö Iehova.