I. Samuela 22:14 - Iaai Bible 1901 (New Caledonia)

¹⁴ Me Ahimelek ame thu ka than, ka habe, Ke ie at ae hnathu unyin lathnyabaem hia helâ me Davita, a ûngon than, kʼ adre hom ka hnyi ânyâm ûhnenamö, me ogânâ hnyi hnyabam?

I. Samuela 22:14 ပူးပေါင်းရင်းမြစ်များ

I. Samuela 17:25

Me ame ha at Isaraela, ka habe, Öbun e wâ at eang ame o? ame o he ka humbasö at Isaraela: ke haba at ame he ka hlingâ, me ame he than ka otenâ gan hmâ omjeû, me ham kâu nokon hlu, ke adre me he ka hna gufa lap anyin kamen hnyi Isaraela.

I. Samuela 18:13

Ke Saulo ame ûsâkâûö mē, me otilâ e hnân taben thauzan; ke e ame didrut me didro hnyi hnyimakan tavat.

I. Samuela 18:27

me haba Davita ame tot me he, a e me anyin vat me kot at Filisiti a tu haded; ke Davita ame hom je unen unyidrin a ka e ka than, me me he ka ûngon than. Me Saulo ame ham Mikala a nokon hlu kâu me âiân.

I. Samuela 20:32

Ke Jonathana ame thu kö Saulo a kamen, me ha kâu, ka habe, Can ieû e ame he ka mok? ieû hnen hna ânyâ?

I. Samuela 21:2

Ke haingö Davita ko Ahimelek at bihut, ka habe, A kunö nya than ka ke ûnyi, haingen könya, ka habe, Ca he ke at ka löng ûnyi oge me he ka kunö u kâu, me ûnyi oge me hûna köu: ke oge hia but kunâ wahidröu ka hnyi ke dok me ke dok.

I. Samuela 22:13

Ke haingö Saulo kâu, ka habe, Can ieû obe ûsabö hnök, a u me nöku Jese, waleji hnyi hnâm hna han, me ham kâu hele vat, me elâm unyin Khong hobi kâu, me me tot könya, me ip hnök helâ me hnyi bong ang?

I. Samuela 24:11

Ke haba khaca, wâ bi, cica lö, me wâ bi obiny ânyâm ûkhaû eang hnyi hnyamok: ke oge me subâ obiny ânyâm ûkhaû me ca hlingö u, anyin a wale khanö u thö me wâ a e ba ûnyi ae kong me hulö unyik, ke ca kong hwakecik köu, eja ke ne u je ne elâm melik he ka ohia.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.

I. Samuela 26:23

Ke ame he bi Iehova ka ve bi hwaban ka tavat anyidrin hwakecin ae wisa, me anyidrin hwakecin ae hnathu: anyin a haba Iehova ame hnö u eja ka hnyi hnyamok, ke oge me ca wek bi nya he ka inâ hnyamok ka at a hû Iehova.