I. Samuela 21:7 - Iaai Bible 1901 (New Caledonia)

⁷ Ke wale ke athnyabai Saulo hnyi bong eling, adre me tuö hnyi hnyimakö Iehova, Doega ien, at Edoma, a taben tavat tuö omeno hale Saulo.

I. Samuela 21:7 ပူးပေါင်းရင်းမြစ်များ

Genese 26:20

Ke haba je hnyat tuö meno e Gerara ödrin e iwatretra me hnyat tuö meno hale Isaaka, me ha, ka habe, Anihmun an eû: me e ame hwenyi ien an e Esek; anyin a ödrin e iwatretra më.

I. Man Ûlabainy Je Than. 27:29

ke Setari at Sarona at ame muso je hnahat kau ödrin e han tot hnyi Sarona: ke Safata nöku Adelai at ame muso je kau wale hnyi hnyigöulen je bucen:

I. Man Ûlabainy Je Than. 27:31

ke Jaziz at Hagara at ame musö je mamoe. Ödrin hia ling hnyat muso ta je ûnyi anyi Davita than.

II. Man Ûlabainy Je Than. 26:10

Ke e ame op je tap ae beû goranyai hnyi hnyebuba, me khû je an ae se hia, anyin ae se hia haleny je meno; helâe minya hnyi hnyei ae hnyikânâ, me dok ae tha hon: ke e hu gan tavat belök me ânyâwia vine hnyi je bucen, me hnyi Karemela; anyin a e at ae bebelök.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Levitiko 22:10

Ame ca he atkanyua ka hnyi han ûnyi ae kap: haba at ame tha laba me at bihut, me athnyabainy adre hawâ, ame ca he ka hnyi han ûnyi ae kap.

Levitiko 22:13

Ke ame ne safac nokon at bihut, ame ne thang faipoipo, me ba nokon, kʼ ame hmetu ka hnyi hnyaban kamen, helâ ke me tiga hlu bi, me e ame he ka hnyi han an kamen: ke ame ca he ka atkanyua ka hnyi han.

Levitiko 24:5

Ke u me he ka hok salawa ae so me le je areto a twelv: ame he ka ûsa lo omer areto a khaca.

Levitiko 24:8

E ame he ka ip gaga bala ûnyi e hnyi je sabath hnyi hnyimakö Iehova; haba e me ûnyi ge lakon Isaraela, a uhihi-nyköu nyiele balua.

Amosa 8:5

haingodra, ka habe, ame he ka um kehö manen a tehi, mʼ ate me ûcû anyita hwit? ke sabath, mʼ ate me khong tang hwit? ke adre me oûhnyûkongoâ efa kʼ adre ogânâ sekel, kʼ adre omono tulut ge iyawo:

Mataio 15:8

Haba tavat ang, adre me oganö nya ge je esongodidra; Ke haba je hnyekudra, me ûsâkâûö mönya.

I. Samuela 11:5

Ke wâ bi, ame o but Saulo e ame alen je kau ûheny hnyi hnyei; ke Saulo ame ha, ka habe, Ieû ame tenge gan tavat; Me ödrin e thumeto ge hofuc hwan at Jabese.

I. Samuela 14:47

Ke hnyi ûen Saulo ame kap dökhu Isaraela, me e ame vat me je iwahnaihmiony mē hia igigilo, a at Moaba, me laku Amona, me at Edoma, me je thaniny Zoba, me at Filisiti: ke hwege hudrin hia e ame he ûcon.

I. Samuela 21:8

Ke Davita ame ha kö Ahimelek, ka habe, Hawa, e ba Ö, ame ne hele vat eang unyâm? anyin oge me ca hom anyik hele vat me anyik je ûnyi vat, anyin a haba huliwa anyin than, me, hnân ânyâ logotâ.

I. Samuela 22:10

Ke at eling ame elâm unyi Iehova hobi kâu, ke e ame han, me ham kâu hele vat anyi Goliatha at Filisiti.

I. Samuela 22:22

Haba Davita ame ha kö Abiathara, ka habe, E khanö nya hnyi bong eji a eling Doega at Edoma, a gʼ ame he ka thumetu Saulo: oge hia but bi joniny tavat hia hnyi lap anyin kâmâm.

I. Samuela 22:9

Me ame thu Doega at Edoma, kʼame tot unyin lathnyabai Saulo, me ha, ka habe, Oge wâ nöku Jese ame he nnyi hnyei Nob kö Ahimelek nöku Ahituba.