I. Samuela 20:7 - Iaai Bible 1901 (New Caledonia)

⁷ Ame ne ha, ka habe, E so; me ame he ka hnahic athnyabaem: ke ame ne gan anyin hmonyin, awe, khanö u thö a ga hia but ip hnök.

I. Samuela 20:7 ပူးပေါင်းရင်းမြစ်များ

II. Samuela 17:4

Ke so hofuc e kö Abasoloma me wahingatiny Isaraela hia.

Esetera 7:7

Me ame todrö than hnyi hmonyin ûheny hnyi hna ic waina me be ka hnyi utkânâiny umen than: ke haba Hamana ame tot mê khöûâ e bi kö Esetera momo than; anyin a ga wâ but a ga kong ut ge than.

Deuteronomi 1:23

Ke so könya hobun hofuc: me oge me hom ûheny unyibun je hnyat a twelv, a usa khaca ûnyi hnyi je tribu:

I. Samuela 20:33

Ke Saulo ame khûâ dân ö kâu he ka dâ e: anyin a wale ame wâhmakhmeto Jonathana a kamen ame ip hmâ hnân, he ka hlingö Davita.

I. Samuela 20:9

Ke haingö Jonathana, ka habe, Ohe, e ba e: anyin a ne khanö nya a cica ame ip hnâm, hawa, oge me ca he ka ha köu?

I. Samuela 25:17

Ke walang ang khanö u thö me ûnykûme wia ûnyi u me he ka ânyâ, anyin ödrin e ip hnân ka tuhötin me anyin lap hia: anyin a e atö Belial me ca khana ke at ka fuc kâu.