I. Samuela 20:5 - Iaai Bible 1901 (New Caledonia)

⁵ Ke haingö Davita kö Jonathana, ka habe, Wâ bi, tehi ae teb ûnyi nyi, ke hanmök he ka tha laba me than he ka hnyi han: ke hnö nya but he ka lubaduöng hnyi utkânâ ke ne o but hnyi sahacin bong a kuniny.

I. Samuela 20:5 ပူးပေါင်းရင်းမြစ်များ

II. Je Than 4:23

Me haingen, ka habe, Anyin a ieû u me he kâu hnyi bong ang? ke ca teb ûnyi tehi me sabath ang. Me haingen momo, ka habe, ame he ka so.

Salamo 55:12

Anyin a ca iwahnaihmiöny bi at ame haikongu nya; Ame ne eling, me oge hia but hokhnyokâ: Ke ame ca hûkötiö nya at eji ame bi gan könga; Ame ne eling, me oge hia but ikhölö gan:

Salamo 81:3

Tûâ thö trutru hnyi ûlabainy tehi, Hnyi tehi a bekhot hnyi bongon anyita bijeû ae ûnyi hnathu.

Ta je Vejec 22:3

Haba at wâ wia, me ame wâ monu me ikhölö: Ke haba tavat ae ba hnyekon me adre me he, ka hu vec bi.

Amosa 8:5

haingodra, ka habe, ame he ka um kehö manen a tehi, mʼ ate me ûcû anyita hwit? ke sabath, mʼ ate me khong tang hwit? ke adre me oûhnyûkongoâ efa kʼ adre ogânâ sekel, kʼ adre omono tulut ge iyawo:

Numera 10:10

Ke haba hnyi je bong öbun e senyin hnyin, me hnyi anyibun je bijeû adre thu, me hnyi hnyimakan je tehi, adre me he ka tûâ li trutru hon anyibun je hudiny leû, me anyibun je hudiny ole; mʼ adre me he ka ûnykûmi öbun hnyi hnyimakan Khongubun: Inya Iehova Khongubun.

Numera 28:11

Ke haba hnyi hnyimakan anyibun je tehi me öbun e he ka hudo hudiny leû kö Iehova: a lo li nak bolok, ke khaca mamoe baga, ke seven ta lakon mamoe baga ae ba hnyikongon, a khaca hunainy;

Ioane 8:59

Me adre me hom je veto he ka lûâ e: ke haba Iesu ame ka oiyongâ e bi, me didrut ûheny hnyi uma kap.

Ta je huliwa 17:14

Me haba je liamekeiny adre me ie kunö Paulo ka hnyi hobat köiö: kʼ ame laba biju eling Sila me Timoteo.

Kolose 2:16

Anyin a wale, ca he ke at ka ûnykûmi öbun can ta je jeû, me hnân ic, me bonginy bijeû, me tehi ae teb ûnyi, me bong sabath:

I. Samuela 19:2

Ke so bi Jonathana ame hnyok kö Davita. Me Jonathana ame thumetu Davita, ka habe, Cica Saulo ame elâm he ka hlingö u: anyin a wale ö u wâ wia nyi, ke me laba hnyi dok ae iyong, me ikhölö:

I. Samuela 20:18

Ke Jonathana ame ha kâu, ka habe, Nyi, me tehi ae teb ûnyi: ke adre me he ka hnei u, anyin ae ba at hnyi tabâm tap.

I. Samuela 20:19

Ke kun biju bongom, me u me he ka ie he me o ka hnyi dok waleji u je ikhölö hnyin hnyi bong ae hu hwakecin, ke u me he ka laba hnyi veto Azela.

I. Samuela 20:24

Me Davita ame ikhölö hnyi utkânâ: ke ame laba thö tehi, me ame laba ju je than he ka tha han.

I. Samuela 20:27

Ke haba nyi, wale bong a loiny tehi, me ba bala at hnyi tap tabö Davita: me haba Saulo ame ha kö Jonathana a nokon, ka habe, Anyin a ieû ame ca he jem ka hnyi han nöku Jese, et me hnyi bong ang?

I. Samuela 20:4

Ke Jonathana ame ha kö Davita, ka habe, haba ûnyi u me he ka ha, me oge me he ka ânyâ hobi köu.

I. Samuela 20:6

Ame ne hnei nya kâmâm, u me he ka ha, ka habe, Ame sumat ûjongi nya Davita be ka wadring Bethe-leema ai wale anyin taun: anyin ae hu hudiny huna eling hobi kâu anyin lap hia.