I. Samuela 20:41 - Iaai Bible 1901 (New Caledonia)

⁴¹ Ke a he but da, me Davita ame o ûheny hnyi hwaiöu, me ta hnyikânâi, me okun nom: ke ödru me ûcimhnyimak, me ûtengiö, ke beönua tenge a Davita.

I. Samuela 20:41 ပူးပေါင်းရင်းမြစ်များ

Genese 29:11

Ke Jekob ame ûcimhnyimak me Rakela, me tenge hwege göranyai.

Genese 29:13

Ke e ka löng Labana ûthumetu ga Jekob a nokon haniny, me e ame wadring he ka iouny më, me e ame delûâ e, me ûcimhnyimak më, me su e ka hnyi hnyaban. Ke e ame aû gaga kö Labana ta je ûnyi hia.

Genese 33:4

Ke Esau ame wadring me iouny më, me delûâ e, me ta hon nyin, me ûcimhnyimak më: kʼ ödru me ûtengiö.

Genese 42:6

Ke Josefa ame musi hnyi hnyei, kʼ ame ûcû jeû me tavat hia hnyi hnyei: kʼ ame o but je latuhö Josefa me nom ju hnyikânâi kâu.

Genese 43:28

Ke ödnn e thu, ka habe, E hwege athnyabaem a kamöhmun, kʼ e möt balua. Ke ödrin e nom je bödrin me iâû.

Genese 45:15

Ke e ame ûcimhnyimak me je liamekeiny më hia, me tenge ködrin: ke hwaban e haba je liamekeiny më ödrin e ûhnenamö me.

II. Samuela 1:2

me haba hnyi bong a kuniny, wâ bi, ame o but ke at ûheny hnyi hna hunuma unyi Saulo ae khekhe anyin je ûkhaû, ke e hu kânâ hon ban: ke e ame o but kö Davita me e ame ta hnyikânâi me khudrung.

II. Samuela 1:26

Iny hlöuhlöu gam Jonathana liamekeiny mönya: E gan hmâ ânyâm mec könya: Hnân lâiâ ânyâm ibetengiö könya, E beönua hon betenge anyin omomo.

II. Samuela 14:4

Ke momo Tekoa ame fuc ka than, me e ame ta hnyikânâi, me iyâû, me ha, ka habe, Than lö, hadruâ thö.

II. Samuela 19:39

Ke ame he hanyâûâ Joridano tavat hia, kʼ ame hanyâûâ minya than: ke than ame ûcimhnyimak me Bazilai me hahnahicâ; me e ame hmetu ka hnyi hnyaban.

II. Samuela 9:6

Me ame o but Mefiboseth, nöku Jonathana, nöku Saulo kö Davita, me e ame ta hnyikânâi me nom. Me haingö Davita, ka habe, Mefiboseth lö. Me haingen, ka habe, Walonya eang a athnyabaem!

I. Je Than 1:16

Haba Bathe-seba ame iyâû me nom ka than. Ke haingen than, ka habe, Ieû u je elâm!

I. Je Than 1:23

Ke ödrin e ha ka than, ka habe, Wâ bi, Nathana perofeta. Ke e ame didro ka hnyi hnyimakan than, me e ame nom ja hnyikânâi ka than.

I. Je Than 1:31

Me Bathe-seba ame nom hnyikânâi, me ogânâ than, me ha, ka habe, E so e möt bi than Davita a tuhok nyiele balua.

Ta je huliwa 20:37

Ke adre me tenge gan hmâ hia, me hibö nyi Paulo me ûcimhnyimak mē,

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 18:3

Me haba Jonathana me Davita ödru me ûhi-hinyköu, anyin a e ame betenge gan helâ me e ame betenge kâu bi.

I. Samuela 20:40

Ke Jonathana ame ham anyin je ûnyi vat ka da unyin, me ha kâu, ka habe, Hom dö ka hnyi taun.

I. Samuela 24:9

Ke Davita ame ha kö Saulo, ka habe, anyin a ieû u me löng ta je hofuc hwan tavat, ka habe, Wâ bi, Davita ame elâm he ka okongu u?

I. Samuela 25:23

Ke a ö Davita hnö Abigaila, me e ame ie utut ûheny hon asina, me nom ju hnyi hnyimakö Davita, me khudrung hnyikânâi.