I. Samuela 20:3 - Iaai Bible 1901 (New Caledonia)

³ Me Davita ame khemanyin, me ha, ka habe, E khana wia kâmâm a u me betenge gak; me haingen, ka habe, E so Jonathana ame ca long e, wâ e nye vec ut: ke kia inya Iehova, ke kia inya u, a e okhaca biju okca me oge me he ka mok.

I. Samuela 20:3 ပူးပေါင်းရင်းမြစ်များ

II. Samuela 15:21

Haba Itai ame thu ka than, ka habe, Kia inya Iehova, ke kia inya than a tuhok, haba inya athnyabaem oge me he ka tha laba hnyi dok ame laba hnyin than a tuhok.

II. Je Than 2:2

Ke haingö Elia kö Elisaia, ka habe, Ö u me laba ju ang; anyin a Iehova ame kunö nya Beth-ela ai. Ke haingö Elisaia, ka habe, Kia inya Iehova, ke kia inya u, a oge me ca he ka hnö u. Me ödru me tha he Beth-ela ai.

II. Je Than 2:4

Haba Elia ame ha kâu, ka habe Elisaia lö, ö u laba biju ang; anyin a Iehova ame kunö nya Jeriko ai. Haingen, ka haba, kia inya Iehova, ke kia inya u, a oge me ca he ka hnö u. Me ödru me tha o hnyi Jeriko.

II. Je Than 2:6

Haba Elia ame ha kâu, ka habe, Ö u laba biju ang; anyin ame kunö nya Iehova Joridano ai. Ke haingen, ka habe, kia inya Iehova, ke kia inya u, a oge me ca he ka hnö u. Me ödru me tha he.

Salamo 116:3

Ame wadrö nya hnen ta je toiny mok, Me ame kot nya hnen ta je vecin erkemok: Oge me wâ vec me tenge.

Jeremia 38:16

Me Zedekia than ame khemanyin duöng kö Jeremia me ha, ka habe, Kia inya Iehova, at a up otu a oge me ca he ka hlingö u, me hnö u ka hnyi hnyamen tavat ang adre me elâm he ka hlingö u.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Deuteronomi 28:66

ke u me he ka labö loloâ ânyâm möt; ke u me he ka labö ot hnyi hnyinghet me lany, ke u me ca he ka sekunâ ânyâm möt:

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Heberu 6:16

Anyin a hwakecin tavat he ka khemanyin ge at ae gan: ke haba ûhihi-nyköu me wale obiny hnân ohnatho hnyi anyidra ta je iwatretra hia thithö.

I. Samuela 1:26

Ke haingen momo, ka habe, Than lö, u möt tuhok, he inya ang momo waleji at ame tot unyâm eang me hic kö Iehova.

I. Samuela 17:55

Ke hnyi ûen Saulo ame ô Davita ame he ka ûkhanö me at Filisiti, me e ame ba kö Abinera taben anyin vat, ka habe, Abinera lö, nöku ia hidröu e? Haingö Abinera, ka habe, Kia inya than ae ca khanö nya.

I. Samuela 20:2

Me haingen, ka habe, E so adre me thawâ: mʼ u me ca he ka mok: wâ bi, ama ca ânyâ ke ûnyi cica, ame ne gan ame ne ûhnyûkong, ke ame bân ka omanenâ könya: ke hnân ieû ame he cica ka ikhâlâ gak ûnyi eling? ame ca hnathu bi.

I. Samuela 20:4

Ke Jonathana ame ha kö Davita, ka habe, haba ûnyi u me he ka ha, me oge me he ka ânyâ hobi köu.

I. Samuela 25:26

Ke walang ang tuhok, kia inya Iehova, me kia inya u, anyin a Iehova ame thawo u, me u me ca he ka hingâlâ monoâ dra, me bi hwaban hobi köu ge hing hnyamâm, ke walang e so e helâ Nabala je iwahnaihmiöny mou, me tavat ödrin e elâm ûnyi ae kong hobi kâu tuhok.

I. Samuela 27:1

KE haingö Davita hnyi hnyekon, ka habe, Oge me he ka mok hnyi ke bong ge hnyamö Saulo: khaca thibi ûnyi ae so könya oge me he ka ie kec ka hnyi hnyei iny at Filisiti; me ame he ka hia hna gejon hnö Saulo he ka elöm nya hmetu hnyi je hnyigöulen Isaraela: me oge me he ka kec möt helâe ge hnyamen.