I. Samuela 20:17 - Iaai Bible 1901 (New Caledonia)

¹⁷ Ke Jonathana ame kunö Davita hmetu he ka khemanyin, can anyin ibetengiö gan: anyin a e ame betenge gan helâ me hing hanon bi.

I. Samuela 20:17 ပူးပေါင်းရင်းမြစ်များ

II. Samuela 1:26

Iny hlöuhlöu gam Jonathana liamekeiny mönya: E gan hmâ ânyâm mec könya: Hnân lâiâ ânyâm ibetengiö könya, E beönua hon betenge anyin omomo.

Ta je Vejec 17:17

Haba waeny me ame betenge hnyi je ûen hia, Ke adre hnokoâ liamakeiny hobi kau bong adre me vec hnyin.

Ta je Vejec 18:24

Haba at ae se hia laihuminy, me ame okongoâ e bi: Ke hu ihum a at betenge, kʼ ame kece hmâ hon je liamekeiny.

Jeremia 40:9

Ke haba Gedalia nöku Ahikama, nöku Safana ame khemanyin kodra, me je atödra me ha, ka habe, Ca ot öbun he ka bi athnyaba ka at Kaledaia: laba ju hnyi hnyei me bi athnyabainy than Babulona, me ame he ka hu so gabun.

Deuteronomi 13:6

Ame ne alecuâ duöngi u hnen liamekeiny mou a nokon hinyâm, kʼ ame ne nokom baga me hlu, kʼ ame ne âiâm, kʼ ame ne waem at u me hnyokâ, ke haingen, ka habe, E so otu me he ka bi athnyabainy ke je khong ae ca khanö u me lakâmâm;

I. Samuela 18:1

KE haba hnyi ûen e ame umo fuc kö Saulo, me haba hnyeku Jonathana ame hwege hnyok kö Davita, ka ame betenge kâu Jonathana helâ me e ame ka hnyokâ hing hanon bi.

I. Samuela 18:3

Me haba Jonathana me Davita ödru me ûhi-hinyköu, anyin a e ame betenge gan helâ me e ame betenge kâu bi.