I. Samuela 20:16 - Iaai Bible 1901 (New Caledonia)

¹⁶ Me haba Jonathana ame ûhihinyköu me lap anyi Davita, me ha, ka habe, Ame e Iehova ka elâm e unyin je iwahnaihmiöny me Davita.

I. Samuela 20:16 ပူးပေါင်းရင်းမြစ်များ

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

II. Samuela 21:8

Ke haba than ame hom li baga laku Rizepa momo nöku Aia, wale e ame hnokoâ ga Saulo, jia Aremoni me Mefiboseth; me ta baga a thabûng laku Mikala momo nöku Saulo, wale e ame hnokoâ ga Aderiela nöku Bazilai at Mehola:

Jeremia 40:9

Ke haba Gedalia nöku Ahikama, nöku Safana ame khemanyin kodra, me je atödra me ha, ka habe, Ca ot öbun he ka bi athnyaba ka at Kaledaia: laba ju hnyi hnyei me bi athnyabainy than Babulona, me ame he ka hu so gabun.

Deuteronomi 23:21

U ka bi khöbi kö Iehova Khongom, me u me ca he ka bec he ka thamuâ: anyin ame he Iehova Khongom ka hnö e gam; me wale hulö köu.

Josua 22:23

wale ge hnöhmun hna otilâ taben anyihmun hut, me hna degeci Iehova; ke ame ne hnân he ka hudo je hudiny leû, me hudiny han, ke ame ne hnân hudo je hudiny ûsoköu hon e, hamö Iehova he ka elâm;

I. Samuela 18:3

Me haba Jonathana me Davita ödru me ûhi-hinyköu, anyin a e ame betenge gan helâ me e ame betenge kâu bi.

I. Samuela 20:42

Ke Jonathana ame ha kö Davita, ka habe, He thö me hnahic, anyin öte hia but khemanyin hnyi iö Iehova, ka habe, Ame he ka e wanbötu Iehova, me mâtrânitu nyiele balua. Me e ame tot me he: ke Jonathana ame hmetu ka hnyi taun.

I. Samuela 22:8

mʼ Öbun e ûsabö hnok, ke ba at ame thumetu nya a gʼ ame ûhihinyköu nokuk me noku Jese, ke ba at gabun ama betenge gak me omanenâ könya a gʼ ame huliwan athnyabaik hnen nokuk he ka bi hnök helâ me hnyi bong ang?

I. Samuela 23:18

Ke ödru me ûhihinyköu hnyi hnyimakö Iehova. Ke Davita ame laba hnyi hnyot, ke Jonathana ame he ka hnyi umen uma.

I. Samuela 25:22

E so Khong ame ânyâ helâe me bi hanen ka je iwahnaihmiony me Davita, oge me ne he ka bi kolon ke da a khaca hnyi ta je ûnyi hia thithö unyin e ka o thö lany hnyi hnyomakatu.

I. Samuela 25:26

Ke walang ang tuhok, kia inya Iehova, me kia inya u, anyin a Iehova ame thawo u, me u me ca he ka hingâlâ monoâ dra, me bi hwaban hobi köu ge hing hnyamâm, ke walang e so e helâ Nabala je iwahnaihmiöny mou, me tavat ödrin e elâm ûnyi ae kong hobi kâu tuhok.

I. Samuela 31:2

Ke haba at Filisiti adre me hnu hwegiö Saulo me lakon; me at Filisiti ödrin e hlingö Jonathana, me Abinadab, me Malekisua a laku Saulo.