I. Samuela 2:8 - Iaai Bible 1901 (New Caledonia)

⁸ E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.

I. Samuela 2:8 ပူးပေါင်းရင်းမြစ်များ

Genese 41:14

Ke haba Farao ame ûkhûnöng he ka hum Josefa, mʼ adre me hom logotâ but e ûnyi hnyi uma ceat eû hnyi kânâ: ke e ame gi me khavâ me he kö Farao.

Genese 41:40

u thibi at ame he ka hon hnyabak, kʼ u ma he ka musö ik hnyei hoton hwâm hofuc: ke theron thiju oge ma he ka beönua hom.

II. Samuela 7:8

Ke haba walang u me he ka ha helâe kö Davita athnyabaik, ka habe, Walang hofuc ho Iehova tuhan sabaoth, ka habe, Oge me hum u ûnyi hnyi haginy mamoe, a ûnyi hnyi hna tuö je mamoe, mʼ u me he ka musö lakeik a at Isaraela:

I. Je Than 16:2

Anyin a oge ogöranyi u ûnyi hnyi sesâ me otüö u hnân thaniny lakeik a at Isaraela; ke u je hia but vheno gethen de Jeroboama, me kunâ lakeik a Isaraela he ka monu, he ka okûâ anyik hmonyin ge anyidrin je hulö;

II. Je Than 9:6

Me e ame todrö me dit ka hnyin uma; ke e ame hingâlâ wakaco hon ban me ha kâu, ka habe, Walang hna ha hnö Iehova, Khongu Isaraela, ka habe, Oge hia but hû u hnân tuhan lakei Iehova, wale Isaraela.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Jobu 2:8

Ke e ame hom ke watagi kaia me khudreû unyin; ke e ame laba hnyi hnabadröu.

Salamo 102:25

U je hia but bi taben hmeledrany kâû adrem; Ke haba ta je drany me wale huliwa anyin li hnyamâm.

Salamo 104:5

At ame bi taben hmeledrany, Me me ca he ka bwebwet nyiele balua.

Salamo 107:41

Ke so bi e ame ogöranyâ at ae vec ûnyi hnyi vec, Me osehiâ anyin lap helâ me hnahat mamoe.

Salamo 24:2

Anyin a e ame bi taben e hon köiö, Me otilâ hmâ e hon je di.

Salamo 75:3

Adre me okoiâ hmeledrany me tavat hia thithö adre me labâ e: Ke oge hia but otilâ je hmolominy [Sela.

Salamo 75:4

Haingök dö ka tavat bi gan, ka habe, Ca bi gan bi: Me ka tavat ae kong, ka habe, Ca hai bi goranyai faoiny meno:

Salamo 75:7

Ke Khong thibi at owisa: E ame ohnyikânâ ke at me ogöranyâ ke at.

At Khet 4:14

Anyin a e ame dit ut unyi hnyi uma ceat he ka than; eke, adre me hnokoâ hnyi dokhon dokhu ke ba omjeû.

Isaia 22:23

Ke oge me he ka ohmâ e helâ me fao hnyi dok ae hwege; ke e ame he ka hnân theron ae hmanenang hnyi lap anyin kamen.

Daniela 2:48

Me haba than ame ogöranyi Daniela, me ham kâu je bwihlany ae gan, me otilâ e he ka muso hnyei Babulona hia, me wia e me taben ae beönua hon tavat ae metâ hia hnyi Babulona.

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 6:3

Ke adre me oûnyihnathu Daniela hon ke li at musi ae beönua ke tavat musi ae gan, anyin a e unyin hanon ae ti so; ke ûnykûmenen than he ka otilâ e hon dökhu hia.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 22:5

Ke ame ca he hmetu ka lit; ke ca ûnyi hnathu bi kodra lamepa, me melaminy seûno; anyin a he Than a Khong ka melamidra: ke adre me he ka musi nyiele nyiele balua.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.

I. Samuela 15:17

Haba Samuela ame ha, ka habe, Eja ke ne u je ne at ae ûhnyûkong ehac, hawa, adre ca hum u hnân homakan je tribu Isaraela? Me Iehova ame hû u mʼ u me thaniny at Isaraela;