I. Samuela 2:30 - Iaai Bible 1901 (New Caledonia)

³⁰ Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.

I. Samuela 2:30 ပူးပေါင်းရင်းမြစ်များ

I. Je Than 11:11

Anyin a wale ame ha Iehova kö Solomona, ka habe, anyin a u je ânyâ ûnyi ang, ke u je ca tuö anyik ûhihinyköu, me anyik ta je hnanyibu, waleji oge me hûna köu, me oge me he ka hûgûnâ gam dökhu, me ham ka athnyabaem.

I. Je Than 2:27

Me haba Solomona ame obö Abiathara ûnyi hnyi hanymen at bihut kö Iehova; me me ohwâdâ hofuc ho Iehova, waleji a ha ge lap anyi Eli hnyi Silo.

I. Man Ûlabainy Je Than. 17:18

Ke ieû hmetu bi ae khanö Davita he ka ha köu ge hnâm hna ogânâ athnyabaem? anyin a u je wâhmakhmetoâ athnyabaem.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

II. Man Ûlabainy Je Than. 26:18

me ödrin e tot kö Uzia than, me ha kâu, ka habe, Uzia lö, ca hanymâm bi e, wale he ka leû utö ae bo so kö Iehova, ke so bi hanymen tavat bihut a je mâtrâni Arona, tavat adre okabâ he ka leû utö ae bo so: didrut ûnyi hnyi dok ae kap; anyin a u je hia but hanyâûâ; ke ca hnân e oganö u ûnyi ga Iehova Khong.

Salamo 18:20

Haba Iehova ame bi hwaban könya hoton hwakecik ae wisa; E ame bi hwaban könya eûcû me li hnyamok ae kalaöt.

Salamo 18:26

U me he ka hwakecin ae kalaöt, ka at ae kalaöt hwakecin; Ke u me he ka ânyâ hwali ka at ae hwali hwakecin.

Salamo 50:23

Haba tavat hia adre me hudo ole, me adre me oganö nya; Ke oge me he ka omanenâ ûhomeli anyin Khong Ka at ame penapena deny gethen.

Salamo 73:20

Helâ me man bwi e ka hmak dö at, Helâe, Than lö, u ka hmak dö, u me be ka ikiki ge hmenudra.

Salamo 91:14

Can e ame hnyok könya, me oge me he ka omelo e: Oge me he ka otilâ e goranyai anyin a e khana but iök.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Esodo 28:43

kʼ ame he Arona ka khavâ e me je lakon, odrin ka he ka didrö ka hnyin umâ ûkhacaköu, me hakekenyâ taben hut he ka huliwa hnyi dok ae kap; me me ca hu jönidrin mʼ odrin e mokcu; wale hnanyibu nyiele balua hobi kâu me je mâtrâniny a hwaban.

Esodo 29:9

Ke u me he ka oweikʼ ödrin ge wen hnyekon, wale Arona me je lakon, ke u me he ka obicʼ ödrin ge je hnabinybak; mʼ ödrin e he ka hnyat bihut, wale hanymodrin hnyi hnanyibu nyiele balua: ke u me he ka okabi Arona me je lakon.

Ta je Vejec 12:8

Adre me he ka haisoâ at hoton anyin metâ: Kʼ adre me he ka hûkotiâ at ae hwali hnyekon.

Ta je Vejec 4:8

Oûnyihnathoâ thö e, me e ame he ka ogöranyi u: Kʼ ame he ka oganö u, u ka he ka delûâ e.

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Jeremia 29:32

anyin a wale, walang hna ha hnö Iehova, ka habe, Wâ bi, oge me he ka bi hwaban kö Semaia, me je mâtrâniny; ame ca he ka hu aten ame he ka laba unyin tavat ang, ke haba khaca e ame ca he ka hnyi wâ so, wale oge me he ka ânyâ ka lakeik, haingö Iehova, anyin a e ame hia but ha he ka ûkhin fuc me Iehova.

Jeremia 49:15

Anyin a wâ bi, inya oge hia but wiö u mu me ûhnyûkong unyin je hnyei, me hûkötiânen tavat.

Ezekiela 34:10

Walang hna ha hnen Than Iehova, ka habe, Wâ bi, ûcûk tavat tuö mamoe; ke oge me he ka elâm hnok hnahat mamoe unyidra, me obʼ ödra mʼ adre me ca hān hmetu hnok hnahat mamoe; ke ame ca he hmetu tavat tuö mamoe ka ha ödra bi; ke oge me he ka hûgûnâ hnok hnahat mamoe ûnyi hnyi je hnyimödra bi, me me ca ö ʼdra hmetu.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Malaki 2:3

Wâ bi, oge me he ka thawâ je hatong gabun, me khino tatet hnyi je hnyimaköbun, wale tatetiny halebun je hut; kʼ adre me he ka tha hom degeci öbun më.

Numera 11:20

ke so bi ama khaca tehi, ke ne o but e ka o but e hnyi je hnyingöibun, ke öbun e he ka ikikiâ e: anyin a öbun e hûkötiö Iehova at ame tha e möbun, me tenge hnyi hnyimakan, ka habe, Ötin e he jem geû ûheta Aigupito?

Numera 35:34

Ke ca he öbun ka okongoâ hnyei öbun e laba hnyin, ke inya oge me laba hynin: anyin a inya Iehova oge me laba hnyi wanben lakon Isaraela.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 8:49

Iesu ame thu, ka habe, E ba demoni gak; ke inya oge me ogânâ Kamök, ke öbun e ohnyikönö nya bi öbun.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

Owisa 9:10

Me ame ha je ûö ka imeta, ka habe, Aiö u, u ma he ka musi ohmun.