I. Samuela 2:3 - Iaai Bible 1901 (New Caledonia)

³ Ca he hmetu bi ka ha hofuc ae bi gan; Ke so ame ca gâ hofuc bi gan ûnyi hnyi je hnyimöbun; Anyin a Iehova, me e Khongon metâ, Ke e ame tuluto je hna ânyâ.

I. Samuela 2:3 ပူးပေါင်းရင်းမြစ်များ

I. Je Than 8:39

awe, u na long ju hnyi drany, a hnyabam, me hna monu bi, me ânyâ, me ham ka tavat hia hoton dedrin je gethen, ke u je wâhmakhmetoâ hnyekudrin; (anyin a hake u thibi at ame wâhmakhmetoâ hnyekon lakon at hia;)

Jobu 31:6

(Ke so adre me tuluti nya hnyi tulut ae wisa, Me me he Khong ka wâ hwakecik ae hnathu;)

Salamo 147:5

E gan hma Tuhöta, ke ti tren man; Ke ca hnân bi ha hnen hna wâhmakhmeto.

Salamo 17:10

Adre me lan ödra bi ge anyidra pipikhenya, Kʼ adre me hobeluʼ ödra ge je hnyimödra bi.

Salamo 31:18

E so he ka hum je esongot ae thoi; Wale adre me bifuco at ae wisa, Hnyi hop me bi gan.

Salamo 44:21

Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

Salamo 75:5

Ca ogöranyâ bi anyibun faoiny meno; Ke ca fuc bi ke hwege nyibun.

Salamo 94:4

Adre me fuc, adre me ha bi gan: Adre me hai ödra bi hnödra hia tavat adre me ânyâ hulo?

Ta je Vejec 16:2

Haba ta je gethen hia deny at, me ka so bi kâu: Ke haba Iehova ame tuluto ta je hanu.

Ta je Vejec 24:12

U ka ha, ka habe, Wâ bi, e ca khanʼ ohmun e: Hawa, ame ca he ka ûnykûme e ge at ame tululo hnyok? Ke hawa, e ca khana e hnen at ame tuö hanom? Ke hawa, ame ca he bi e ka bi hwaban ka at hoton anyin ta je huliwa?

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Isaia 26:7

E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Ezekiela 35:13

Ke öbun e hia but bi gan könya ge je hnyimöbun, me osehia hobun je hofuc könya: oge me long ut.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Daniela 5:27

TEKEL; adre hia but tuluti u hnyi tulut uhni me ö u a u hâhâ thö.

Malaki 3:13

E hwege ifucibun ûcûk, haingö Iehova, Ke haingöbun, ka habe, Ieû öhmun e ha gam?

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

Josua 22:22

Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Owisa 9:38

Me Zebul ame ha kâu, ka habe, Ewa hnyimâm wale at ame ha, ka habe, Ia Abimelek mʼ adre me he ka bi athnyabainy? hawa, ca wale hnyei u me hûkötiâ? ö u he thö walang ang me vat mödrin.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.