I. Samuela 2:28 - Iaai Bible 1901 (New Caledonia)

²⁸ Me oge ûca e ûnyi hnyi je tribu hia anyin at Isaraela me me at bihut könya, he ka hudo hon taben hut könya, he ka leû uto ae bo so, he ka khavâ iefoda hnyi hnyimakök? ke hawa, oge ham ka lap anyin lakâmâm ta je hut a an hnen meic ûnyi ge lakon Isaraela?

I. Samuela 2:28 ပူးပေါင်းရင်းမြစ်များ

II. Samuela 12:7

Haba Nathana ame ha kö Davita, ka habe, U at eling, Walang hna ha hnö Iehova, Khongu Isaraela, ka habe, Oge hû u hnân thaniny Isaraela, ke oge omeli u ûnyi hnyi hnyamö Saulo;

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Esodo 28:4

Ke walang je ûkhaû adre me he ka tibet, ka habe, tubwiny ûlainy, me iefoda, me ûkhaû ae beû, me ûkot ae hu hnalimen, me hnabinybak, me wen hnyekon: adre me he ka tibet je ûkhaû ae kap hobi kö Arona tuhâm, me je lakon, me me at bihut könya.

Esodo 30:7

Ke hamö Arona he ka le hon e je utö ae bo so: kʼ ame he ka le hnyi je hnyomakatu, e ka ânyâwia je lamepa.

Esodo 30:8

Ke ka he Arona ka vâc je lamepa hnyi je sahac, me ame he ka le e, ke wale thibi e hnân bo so bala hnyi hnyimakö Iehova, hnyi anyibun ta je dö hia.

Levitiko 2:10

Ke haba kolon hudiny jeû me hobi kö Arona me lakon; wale ûnyi ae ti kap ûnyi hnyi je hut a an hnen meic kö Iehova.

Levitiko 2:3

ke haba kolon hut hnân han: wale ae ti kap ûnyi hnyi je hut a an ge meic kö Iehova.

Levitiko 6:16

Ke haba kolon, ame he Arona me lakon he ka an: odrin e he ka han e, adre ca levenâ, hnyi ke dok ae kap; odrin e he ka han e hnyi haginy uma ûkhacaköu.

Levitiko 7:32

Ke öbun e he ka ham ka at bihut jevan a metâ hnân hudiny kap goranyai ûnyi hnyi anyibun je hut ole.

Levitiko 7:36

waleji Iehova ame hûna he ka ham ködrin ûnyi ge lakon Isaraela, hnyi bong e ame hû odrin. Wale ke hwajeköudrin nyiele balua hnyi anyidrin ta je dö.

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Numera 18:19

Haba je hut hia adre kap goranyai ûnyi hnyi ta je ûnyi ae kap ame he lakon Isaraela ka hudo kö Iehova, me wale oge me ham köu, me lakom obaga me wahlu unyâm, helâ me hwajekhoû nyiele balua: ke wale ûhihinyköuiny sâlt nyiele balua hnyi hnyimakö Iehova, hnân hobi köu, me je mâtrânâm unyâm.

I. Samuela 14:3

me Ahia a nöku Ahituba, liamekeiny me Ikaboda, nöku Fineasa, nöku Eli, at bihut kö Iehova hnyi Silo, e ame khavâ iefoda. Ke ca khana bi tavat a ga he but Jonathana.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.