I. Samuela 2:25 - Iaai Bible 1901 (New Caledonia)

²⁵ Ame ne kong ke at ka ke at, Khong ame he ka owisa kâu: ke ame ne kong at kö Iehova ie at ame he ka khöû hobi kâu? Ke so bi ödru me ca long hofuc hwan kamödru, anyin ae be he Iehova ka hlingʼ ödru.

I. Samuela 2:25 ပူးပေါင်းရင်းမြစ်များ

Genese 38:10

Ke kong hnyi hnyimakö Iehova hnen hna ânyâ: me e ame hlingâ e minya.

Genese 38:7

Ke at ae kong Era noku Juda hnyi hnyimakö Iehova; ke Iehova ame hlingâ.

I. Je Than 8:31

Ame ne ke at ame monu ka ke at, me adre me ip khöbi kâu he ka kunâ e he ka khemanyin, ke e ame o me khemanyin hnyi hnyimakan ânyâm taben hut hnyi uma eang:

I. Je Than 8:32

awe, long ju u ethö hnyi drany, me ânyâ thö, me owisa ka lathnyabaem, me bi hwaban at ae kong, me ip hon ban hwakecin bi; me haiwisa at ae wisa he ka ham kâu hoton hwakecin ae wisa.

II. Man Ûlabainy Je Than. 10:15

Ke ame ca long bi than ka tavat; anyin a ûnyi ge Khong, me me he Iehova ka ohwâdâ hwan hofuc waleji e ame ha kö Jeroboama nöku Nebata deny Ahia at Silo.

II. Man Ûlabainy Je Than. 25:16

Ke e ame tiga fuc kâu, me haingen than kâu, ka habe, Hawa, ohmun e hia but otilö u he ka hnyi hanen ûhnenamö anyin than? soju anyin a ieû adre me he ka hlingö u? Me haba perofeta ame um ju, me ha, ka habe, Oge me wâ but a Khong ame ûnykûme he ka ohiö u, can u je hia but ânyâ ûnyi eling, me ca long hnok hna nö u.

Jobu 9:33

Ke ba at he ka owisa köhmu, Me ip li hnyamen huhmu.

Salamo 51:16

Anyin ae ca wem hut; me inye he ka ham e: E ca senem köu je hudiny leû.

Salamo 51:4

Oge hia but monu köu, köu thibi, Me ânyâ ûnyi ae kong hnyi hnyimâkâm, Mʼu me he ka wisa u ka ha, Ke so hnyi hnâm hna owisa.

Ta je Vejec 13:1

HABA nokon ae metâ me ame long hna ûne hnen kamen: Ke haba at ame ûhiö, me ame ca long bi hna nâ.

Ta je Vejec 15:10

E hu hna nâ ae vec hobi kâu at ame hna degecâ gethen: Kʼ ame he ka mok at ame hociâ hna nâ.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

At Khet 3:3

ûen hlingâ, me ûen ometo; ûen hagutâ, me ûen otilâ;

Numera 15:30

Ke haba at ame ânyâ sheshamökâ ke ûnyi, ame ne aten hnyei ame ne atkanyua, me wale at ame bi gan kö Iehova; ke adre me he ka subâ degecâ at eling ûnyi hnyi iny hnyei.

Deuteronomi 1:17

Ca he öbun ka wâhmakhmetoâ hnyi ûhnei; e so öbun e löng wia hofuc hwan at ae gan me at ae ûhnyûkong; ca he öbun ka ot hnyi hnyimakan at; anyin a ûnyi ge Khong hna owisa: ke haba ûnyi ae hmak köbun, öbun e he ka hom könya mʼinye löng dö.

Deuteronomi 2:30

Ke e höcö Sihona than Hesebona he ka hnʼ ota ka gethen unyin: anyin a Iehova Khongom ame okhötâ hnyekon, me ohwegiâ hnyekon, me me he ka hna e ka hnyi hnyamâm, a helâe hnyi bong ang.

I. Timoteo 2:5

Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

Heberu 10:26

Anyin ate ne ânyâ hulo ge weta, öta ka hia but wâ ûnykûme hnathu, me ba hmetu bihut can ta je hulo,

Heberu 10:27

ke so bi he ka halubahingen me ot ae gan hmâ, ge hna he ka ûhnö, me wathethot ame ubâhlâ, wale ame he ka an ohia je iwahnaihmiony.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.

I. Samuela 3:14

Anyin a wale oge hia but khemanyin ka lap anyi Eli, a oge me ca he ka ohia hulöiny lap anyi Eli ge hut me bwihlany nyiele balua.